عادةً بنهتم بترطيب بشرتنا، خصوصًا في الصيف والحر والرطوبة اللي بنتعرض لهم وبيخلّوا البشرة تفقد ترطيبها، لكن اختيار منتجات ترطيب وعناية لمنطقة العين بيكون صعب، وفي بنات وستات مش بتهتم بيها على قد ما بتهتم بباقي الوش، لكن المنطقة دي محتاجة نوع معين من الترطيب والعناية، علشان كده لوريال باريس اهتمت بإنتاج سيروم حمض الهيالورونيك مخصوص للمنطقة دي، بمميزات كتير، وعلشان نعرف عنه أكتر ، اتكلمنا مع دكتورة دينا ضرغام استشاري التجميل بالليزر وأستاذ مساعد الأمراض الجلدية في كلية طب جامعة القاهرة علشان تكلمنا عنه أكتر، وازاي نهتم بترطيب منطقة العين.
في البداية، إيه هو حمض الهيالورونيك وإيه دوره في منتجات العناية بالعين؟ حمض الهيالورونيك هو من ضمن المواد الأساسية اللي موجودة في جسمنا بتركيزات مختلفة، وموجودة في الجلد بشكل أساسي وبتركيز عالي، ودوره الأساسي إنه يمتص المياه ويقدر بعد كده يحافظ عليها للبشرة. وأهم وظيفة إنه بيحافظ على ترطيب المكان اللي بيتحط فيه، لو بنتكلم عن حوالين العين فهو بيرطب المنطقة دي، وبالتالي ده هيقلل من الخطوط والإجهاد والحاجات اللي بتأثر على مظهر العين.
سألنا دكتورة دينا جرّبت السيروم ولا لأن وكان ردها: “أنا جربت السيروم وكانت تجربة كويسة، اللي عجبني فيه كمان وجود الكافيين ومواد تانية في تركيبته، ودول بيساعدوا في علاج الانتفاخ والهالات والخطوط اللي حوالين العين، مش بس بيعتمد على حمض الهيالورنيك، وده بيخلي تركيبته أحلى، وكمان بيوفر لنا حل للتلات مشاكل الأكتر شيوعًا في منطقة تحت العين كلهم في منتج واحد.”
طريقة الاستخدام بسيطة، السيروم أول ما بنفتحه بنلاقي معاه “ذراع تبريد” أو قطارة بنلاقي في أخرها كور صغيرة زيّ ما باين في الصور، الكور دي بتساعدنا نحط السيروم على منطقة العين ونوزعه بمساج بسيط لمدة حوالي 30 ثانية. وعن طريقة حفظ السيروم، فالأحسن يتم حفظه في التلاجة.
لمفعول أفضل، يُستحسن نستخدم السيروم مرتين في اليوم، علشان يكون فعّال، ممكن المرتين دول يكونوا مرة الصبح ومرة بليل، لإن السيروم مش بيتفاعل مع الشمس مفيش أي مشكلة من استخدامه بالنهار، والمرة التانية تكون بليل قبل النوم زيّ أي منتج للعين.
حمض الهيالورنيك استخدامه مهم في النص التاني من العشرينات، بعد 25، لكن دلوقتي الإجهاد اللي بتتعرض له البنات في سن أصغر، من سهر ونزول كتير والشغل والدراسة وأنظمة الأكل الغير صحية أو التدخين، كل ده بيعرّض البنات للإرهاق بشكل أكبر، ودي تُعتبر عوامل بتخلّي البنات محتاجين كريمات العين في سن بدري، علشان كده يقدروا يبتدوا يستخدموا حمض الهيالورونيك في العشرينات.
السيروم كمان من مميزاته إننا ممكن نستخدمه قبل المكياج ومفيش مشكلة من استخدامه مع مستحضرات تجميل تانية، ممكن نحطه على الوش بعد غسله مباشرة وبعدها نبتدي نحط واقي الشمس والمكياج بشكل طبيعي، وكده كده حمض الهيالورونيك مش هيتفاعل مع الشمس، فنقدر نخرج بيه بشكل طبيعي من غير قلق.
طبعًا بنبقى مستنيين نتيجة المنتج بفارغ الصبر، وفعلًا السيروم مفعوله بيبتدي يبان في خلال 3 أسابيع، من الاستخدام المنتظم، مفعوله بيظهر في ترطيب منطقة حول العين وتقليل ظهور التجاعيد والانتفاخ، والخطوط تحت العين.