بواسطة ميرهان ياسر.
خبر قديم أوى إن لبنان بلد جميلة، ولكن فى وسط المأساة الحالية اللى فى لبنان، دة تذكير صغير عن مدى جمالها وعن أحلى المناطق الطبيعية اللى ممكن نزورها هناك لما أحوال البلد تتحسن قريب، بإذن الله!
لبنان بتشتهر في المنطقة بثروتها الطبيعية وجمالها. مع مساحات خضراء لا مثيل لها وتاريخ يمتد إلى قديم الازل.
محمية غابة أرز تنورين الطبيعية
من أجمل المحميات الطبيعية في لبنان. تمتلئ بشكل رئيسي بأشجار الأرز وأنواع أشجار جميلة تانية.
محمية جبل موسى
محمية طبيعية رائعة في لبنان لازم أي حد يزورها. مش بس هتستمتع بالمناظر الرائعة هناك، كمان هتتعرف على أنواع الحيوانات والطيور والنباتات المختلفة.
“الشلالات الزرقا”، بعقلين
شلالات بعقلين من أجمل الأماكن الطبيعية اللي ممكن نشوفها في لبنان بنهرها المتدفق وشلالاتها الرائعة.
بحيرة شوان
بحيرة رائعة مع مزيج لا يصدق من درجات الازرق والاخضر وده اللى بيديها منظرها الساحر. وهي جزء من محمية جبل موسى. رائحة أشجار الصنوبر وهدوء المنطقة هيفكرك ليه بتحب البلد دى.
البترون
الغوص في شاطئ البترون الشهير واستكشاف الكهوف بين الصخور والبحيرات الخفية من اجمل الححاجات اللى تتعمل فى الصيف! استعد لقضاء يوم مايتنسيش في البحر.
آخر كلمة: متشوقين جدًا إن لبنان ترجع تقف على رجليها عشان نشوف جمالها من تانى!
