في خطوة للتحول للطاقة النظيفة وتعميق الصناعة الحيوية محليًا وجذب استثمارات جديدة، توقيع عقد بين مصر وشركة إم جلوري الإماراتية لتصنيع السيارة الـ بيك أب “EM” اللي بتعمل بالوقود المزدوج (غاز طبيعي – بنزين) ودي هتكون خطوة مهمة للاستفادة من ثروات مصر من الغاز الطبيعي، اللي بيساهم بفعالية في الحفاظ على البيئة وتقليل تلوث الهواء، لإنه وقود نظيف بيعمل على تقليل الانبعاثات الضارة.
تحقيقًا لرؤية 2030 في مجال توطين تكنولوجيات صناعية حديثة، وخلق كوادر فنية محترفة، خططت وزارة الإنتاج الحربي لتأسيس شركة مصرية إماراتية لإنتاج وتصنيع السيارات اللي بتعمل بالغاز الطبيعي والبنزين، بأيادي مصرية، وده سبق هيحصل لأول مرة في مصر، والمساهمين في الشركة دي هما الهيئة القومية للإنتاج الحربي، مصنع 999 الحربي، وشركة إم جلوري الإماراتية لتصنيع السيارات.
وبالتعاون ده، هيتم إنتاج سيارة بيك أب باسم “EM” بموديلات وأنواع مختلفة، كابينة مزدوجة 2×4، كابينة مزدوجة 4×4، كـابينة مفردة 2×4، ومن المخطط إن الطاقة الإنتاجية اللي هتنتج من التعاون ده هتوصل لـ 12 ألف سيارة سنويًا، وده هيكون لتلبية احتياجات السوق المحلي والأفريقي. الإنتاج الكمي في النص الأول من 2022. متوقعين تكون نتائج التعاون ده مثمرة وتفرق فعلًا من الناحية البيئية والاقتصادية.