لأول مرة: تامر حسني يحيي حفلته الأخيرة بالهولوجرام

في حفلته الأخيرة على مسرح جامعة مصر للعلوم والتكنولوجيا، الفنان تامر حسني قدم تقنية الهولوجرام العالمية لأول مرة على مسرح بمساحة 70 متر، بجانب حضوره وتفاعله مع الجمهور، فقدر يخطف الأضواء بحضوره وتفاعله وأغانيه، وكمان يبهر كل الموجودين بالهولوجرام على أكبر شاشة بعرض 70 متر، وبعدها انتشرت الصور والفيديوهات من الحفلة وانبهر بيها الجمهور وقالوا إنها كانت حفلة أسطورية.

“حفلة للتاريخ لأسباب كتير، هي ماكانتش حفلة، هي كانت تحدي من كل العناصر اللي اشتغلت فيها إننا نحقق أرقام عالمية لأول مرة تحصل، منها إن عرض المسرح كان ٧٠ متر ونفذه المهندس المتميز تامر فوزي والشاشات المستخدمة ٧٠ متر في ارتفاع ٢٥ متر ونفذها المبهر وليد الحريري ولأول مرة قدمت تقنية الهولوجرام مع العباقرة فايز أباظة ومحمد محفوظ وطبعاً مساحات خيالية زيّ دي للأمانة أي مهندس صوت كنت بقوله عليها كان بيخاف ويقولي مستحيل و لكن عملاق زيّ المهندس عماد نبيل مايعرفش مستحيل هو وفريقه المتميز أحمد عبد القادر وعمرو خيري” ده اللي قاله تامر على صفحته على الفيسبوك بعد الحفلة، وقد إيه كان مبسوط بيها وبالجمهور.

تامر قدم أغاني مختلفة، جمهوره بيحبها على مدار مسيرته، من “كل مرة أشوفك فيها”، و”كفاياك أعذار”، و”ماعنديش فى الحب هزار”، و”على قد ما عشت وشفت”، و”أكتر حاجة بحبها فيكى”، بفقرات مميزة واستعراضات اتفاعل معاها الجمهور، فى تجربة شاملة جمعت بين الموسيقى والغناء والعروض التفاعلية على مدى أكتر من ساعتين متواصلين.

آخر كلمة: ماتفوتوش قراءة: في لافتة إنسانية مؤثرة: تامر حسني يفاجئ أحد معجبينه ويهديه كرسي متحرك

تعليقات
Loading...