كل اللي محتاج تعرفه عن منتدى شباب العالم لسنة 2022

هتنطلق فعاليات منتدى شباب العالم في الفترة من 10 لـ13 يناير في مدينة شرم الشيخ وبحضور الرئيس السيسي، والمنتدى ده يعتبر فرصة مهمة لكل الشباب اللي عندهم قدرة إنهم يأثروا في مجتمعاتهم. وعندهم رؤية التغيير للأفضل إنهم يتجمعوا في مكان واحد ومن خلال منصة دولية بمشاركة 196 دولة من كل قارات العالم.

طب أجندة المنتدى عبارة عن إيه؟

في مجموعة من الورش بتناقش قضايا مهمة أهمها التنمية المستدامة ومستقبل القارة الأفريقية. ومستقبل التكنولوجيا المالية للأسواق الناشئة والسياسات المالية الرشيدة. ومبادرة حياة كريمة باعتبارها واحدة من التجارب المصرية لتنمية الإنسان. بالإضافة لنموذج محاكاة الأمم المتحدة لمجلس حقوق الإنسان.

ده غير الفعاليات اللي بدأها المنتدى في السنين اللي فاتت من خلال مسرح شباب العالم زيّ وفريدوم  Freedome، ومنصة الإبداع  Inspire.D، وساحة ريادة الأعمال Start Vein. وبالإضافة لعدد من الفعاليات المميزة والجديدة اللي هيتم تقديمها للمرة الأولى السنة دي.

إجراءات إحترازية بتقنيات غير مسبوقة

إدارة المنتدى أعلنت عن استخدام تقنيات غير مسبوقة في الكشف والوقاية من أي عدوى خصوصًا بعد المتحور الجديد. فأعلنوا عن الروبوت المتطور والمسئول عن تعقيم القاعات. وروبوت تاني هيبقى مسئول عن قياس درجة الحرارة وهيتوزع على الحضور أدوات تعقيم. وروبوت تالت هيبقى مسئول عن توزيع الأكل والشرب، ده غير إن الأبواب الخاصة بالقاعات ووسائل الانتقال ذاتية التعقيم، يعني هتمنع حدوث العدوى في حالة ظهور أي إصابة. منتدى شباب العالم رسالة بتوصلها مصر.. رسالة سلام ومحبة لكل بلاد العالم

أخر كلمة: ماتفوتوش قراءة: احتفالات افتخرنا بها وأظهرت مصر بالشكل اللي تستحقه في سنة 2021

تعليقات
Loading...