كشف هوية المتحرش اللي اعتدى جنسيًا على طفلة في الفيديو المنتشر

بوستات كتير تخض انتشرت على صفحات رواد السوشيال ميديا في مصر بعد ما نشروا فيديو صورته واحدة من كاميرات المراقبة في القاهرة، واللي بيوثق لحظة تعدي شاب على طفلة جنسيًا.

المتحرش
عن: cdni.rt

وظهر في الفيديو “استدراج المتحرش طفلة صغيرة جوا مدخل عمارة في الدور الأول، وأخدها على سلم العمارة، وبدأ يتحرش بها يلمس أجزاء من جسمها، واتضح من الفيديو إنه كان لابس بنطلون أسود، ورصدته كاميرات المراقبة وهو بيقفل سوستة البنطلون، وبعدها ساب البنت ومشي، وعلشان كده قدرت كاميرات المراقبة توثق الواقعة بالكامل، وصورت العربية التاكسي اللي المتحرش كان راكبها”.

ورصد مقطع الفيديو اكتشاف الجيران اللي بيحصل عن طريق كاميرات المراقبة، ولكن للأسف قدر المتحرش يهرب قبل ما يمسكوه، وركب العربية وجري.

الأجهزة الأمنية والتحقيق في هوية المتحرش

وكشفت مصادر إن الأجهزة الأمنية قدرت توصل لهوية صاحب التاكسي، واللي اتضح إنها باسم واحدة ست، وإن تراخيص التاكسي تم استخراجها من وحدة مرور نكلا في محافظة الجيزة.

ووضحت المصادر إن الأجهزة الأمنية كثفت من تحرياتها علشان تعرف هوية الشخص اللي ظهر في مقطع الفيديو المنتشر على السوشيال ميديا عبر علاقته بصاحبة التاكسي، بعد ما اكتشفوا إن في مخالفات سرعة زائدة.

حادثة شبيهة في المعادي

والجدير بالذكر إن حادثة شبيهة حصلت في شهر مارس اللي فات، حيث عاقبت محكمة جنايات القاهرة، المنعقدة بمحكمة التجمع الخامس، المتهم محمد جودت، المتحرش بطفلة المعادي بالسجن المشدد لمدة 10 سنين.

كانت الأجهزة الأمنية في مصر قبضت على المتهم، بعد ما اتحرش بطفلة صغيرة داخل مدخل عمارة وكشفه فيديو من كاميرا مراقبة.

ونشر رواد السوشيال ميديا رواد الفيديو، اللي سبب غضب كبير ومطالبات لوزارة الداخلية بسرعة القبض عليه ومحاكمته.

آخر كلمة: ماتفوتوش قراءة: محتاجين نفتح نقاش عن انتشار البيدوفيليا في مصر وازاي نقدر نحمي أولادنا

تعليقات
Loading...