فرقة كايروكي أعلنت على حسابها الرسمي على انستجرام عن تحضيرهم لحفلتين تحت عنوان “كايروكي إمباير” في مركز المنارة بالتجمع الخامس، يوم 27 و29 يونيو الجاي.
وقال أمير عيد: “كايروكي هيغنوا ألبوم روما لأول مرة في حفلهم الأكبر بمصر والوطن العربي، كايروكي إمپاير النسخة الخامسة، والمرة دي مش هتكون حفلة واحدة، هتكون حفلتين في نفس الويك إند يوم الخميس 27 يوليو، ويوم السبت 29 يوليو في المنارة آرينا، التجمع الخامس، التذاكر متاحة من خلال تذكرتي”.
التذاكر متاحة دلوقتي على موقع “تذكرتي Tazkarti “، وموجودة على فئتين، الأولى بـ650 جنيه لفئة Fan Pit ، والتانية بـ350 جنيه لفئة الـ Regular.
ونبهت اللجنة المنظمة للحفلة على الالتزام بالتعليمات، زي: ممنوع اصطحاب الأطفال الأقل من 10 سنوات، ودخول الجمهور في الوقت المحدد من الساعة 1 ظهرًا لحد الساعة 7 مساء منعًا لحدوث أي ازدحام أو تدافع.
والجدير بالذكر إن دي الحفلة الخامسة في تاريخ “كايروكي إمباير”، وبيزيد الإقبال عليها من جماهير كايروكي عن باقي الحفلات الموجودة طوال أيام السنة.
