في ذكري وفاته: شادي عبدالسلام وأعمال محفورة في ذاكرة السينما المصرية

أيقونة محفورة في ذاكرة السينما المصرية، شادي عبدالسلام، بمشاركاته في صناعة السينما كمخرج أو كاتب مهندس ديكور، أو مصمم ملابس أو كمان صاحب إختيار الإكسسوارات للأفلام، اللي كانت في أهم الأعمال اللي بتعتبر علامات في تاريخ السينما، لما تشوف كادراته ومشاهده هتحس إنك بتتفرج على لوحات فنية مصنوعة بإتقان مش مجرد مشاهد سينمائية.

اتولد شادي في اسكندرية، في مارس 1930، درس فنون المسرح في لندن، غير إنه اتخرج من كلية الفنون الجميلة في القاهرة، وحصل على درجة الإمتياز في العمارة، لكنه مكانش عايز يشتغل مهندس معماري، وبدأ يفكر في العمل بالسينما واكتشف شغفه للسينما وفعلا ابتدي مشواره السينمائي كمساعد مخرج بفيلم الفتوة اللي من إخراج صلاح أبو سيف، واقتصر عمل شادي في الفيلم على تدوين الوقت اللي بتستغرقه كل لقطة.

لحد ما وصل لإنه بالصدفة يكون مهندس الديكور في فيلم حكاية حب، بعد ما تغيب مهندس الديكور المسئول عن الفيلم، فتواصل المخرج حلمي حليم مع شادي وبقى هو مهندس الديكور، وعمل ديكور ملفت للأنظار وده كان بداية نجاحه فقي مجال الديكور واللي خلى مخرجين كتير يتعاقدوا معاه لتصميم وتنفيذ ديكورات لأفلام، أهمهم وأشهرهم ديكورات فيلم وإسلاماه، اللي لفت الأنظار وخلى الناس تتسائل ازا ابدع في رسم ديكورات زمن معاشهوش، وكمان شارك في أفلام خارج مصر زي الفيلم الأمريكي كليوباترا، والفيلم البولندي فرعون.

شادي قام بإخراج فيلم المومياء، اللي كمان كتب قصته عن قصة حقيقية، وكتب السيناريو بتاعه وكمان صمم الملابس فيه، والفيلم ده من العلامات في تاريخ شادي وفي تاريخ السينما المصرية، كمان أخرج أفلام زي الفيلم القصير شكاوي الفلاح الفصيح، جيوش الشمس، آفاق، الفيلمين كمان كانوا من تأليفه، الفيلم القصير شكاوي الفلاح الفصيح. وصمم ديكورات 17 فيلم، أشهرهم الناصر صلاح الدين، السمان والخريف، بين القصرين، عروس النيل، واإسلاماه.

• 

• 

آخر كلمة: إيه أكتر الأعمال اللي بتحبوها لشادي عبدالسلام؟