في درجة حرارة بتوصل 25 تحت الصفر: مبادرة إماراتية لدعم النازحين الأفغان في مواجهة البرد القارس
في ظل ظروف صعبة من كل نواحي الحياة في أفغانستان، الناس كمان بتواجه برد قارس بدرجات حرارة بالسالب في معظم الأيام دلوقتي، وبتتراوح درجة الحرارة من 12 لـ 25 تحت الصفر، أطلقت مؤسسة القلب الكبير بالتعاون مع المفوضية السامية للأمم المتحدة لشئون اللاجئين، مبادرة “دفء شتائهم” لدعم النازحين الأفغان لمواجهة البرد القارس اللي بيتعرضوا له، “القلب الكبير” المؤسسة الإنسانية العالمية المعنية بمساعدة اللاجئين والمحتاجين حول العالم، ومقرها الشارقة في الإمارات. الحملة هتستمر ليوم 19 فبراير.
مبادرة دفء شتائهم هتدعم العائلات النازحة في أفغانستان بالاحتياجات الأساسية ليهم، من خيم عازلة للبرد والأمطار، وبطاطين وأغطية مناسبة لبرودة الجو هناك، ووقود التدفئة، ده غير مساعدات مادية نقدية للعائلات علشان يقدروا يشتروا احتياجاتهم الأساسية اليومية اللي مابقوش يحصلوا عليها نتيجة مرور أفغانستان بسنوات متواصلة من الجفاف واستمرار الصراعات والنزاعات المسلحة وزيادة الأزمة الاقتصادية، مع ارتفاع أسعار الوقود والغذاء والاحتياجات الأساسية التانية ارتفاع كبير، وده بيهدد أمن وسلامة السكان وبيعرضهم لمخاطر كتير.
الحملة فتحت باب التبرعات لمساعدة النازحين في أفغانستان، علشان اللي عايز يشارك سواء أفراد أو شركات ومؤسسات، كمان قدمت اختيارات مختلفة لتسهيل عملية التبرع، من خلال الحوالات المصرفية والشيكات والدفع النقدي والتبرع من خلال خدمة SMS، وكمان من خلال اللينك ده