متعودين كل أسبوع يوم الأربع، في اجتماع مجلس رئاسة الوزراء اللي بيقول لنا على مجموعة من القرارات الجديدة اللي بتخص الدولة، وأحيانًا بتخص أخر مستجدات لفيروس كورونا، جبنالكم أبرز القرارات اللي اتقالت في الاجتماع النهارده، اللي منها يخص المرأة ومنها يخص لقاح للكورونا ومنها اللي بيخص الري ومنها بيخص إصدار عملة تذكارية جديدة، وكمان منها اللي بيخص الإعمار والتنمية.. تعالوا نتعرف أكتر بالتفاصيل على القرارات دي.
قراءة المزيد
- اتفاق مصري كندي بيدعم المرأة في ريادة الأعمال، وبيستهدف تحسين المشاركة الاقتصادية للسيدات عمومًا عن طريق التركيز على صناعة السجاد اللي بيستفيد منه بشكل مباشر أكتر من 5000 بنت وسيدة.
- إصدار عملة تذكارية فضية من فئة 100 جنيه، احتفالًا بموكب المومياوات.
- الموافقة على أليات تطبيق مشروع التحول لنظام الري الحديث وده بالتعاون بين الوزارات والجهات المعنية، والتحول من نظام الري بالغمر إلي الري الحديث، وده هيعمل تقليل في زمن الري وتقليل تكاليف العمالة، وتوفير المياه لمساحات أرض جديدة.
- التصريح لوزارة الزراعة والتعليم العالي بالتعاقد مع إيفا فارم لتصنيع وإنتاج لقاح مثبط لكورونا.
- وافق بشأن اتفاق تمويل بين جمهورية مصر العربية والبنك الدولي، لإعادة الإعمار والتنمية، خاصة بمشروع التطوير والسلامة بسكك حديد مصر بمبلغ 362 مليون و 900 ألف يورو.