غير البحر و السهر: متاحف و معالم سياحية في الساحل والعلمين تستحق الزيارة

تجربة Roam Egypt بتورينا جانب تاني خالص مختلف ومميز من الساحل الشمالي والعلمين الجديدة، غير اللي اتعودنا عليه. وزي ما بيقولوا في الفيديو هو فعلًا ساحل تاني خالص، غير الحاجات اللي كلنا بنحبها في الساحل والبحر والرمل الذهبي والتان، والسهر والحفلات والخروجات.. فيه جانب تاني من الساحل والعلمين مش ناس كتير تعرفه، وده هيغير فكرة إن الساحل في الصيف بس، فيه معالم سياحية وأثرية مختلفة ومميزة عن أي مكان تاني في مصر، وعلشان كدة Roam Egypt بيهتموا يعرفونا على المعالم المختلفة دي بتجربة فريدة من نوعها في الساحل. بتخلينا متحمسين نعيش التجربة. تعالوا نشوف إيه المعالم دي!

Roam North Coast

Episode 2️⃣ is up.

This time, we are roaming through Egypt’s hottest summer spot, The North Coast 😍🔥

Special thanks to Ministry of Tourism and Antiquities وزارة السياحة والآثار, HE Khaled El Enany, The Minister of Tourism and Antiquities & his assistant Lamia Kamel.

#RoamEgypt
#RoamWithUs

Ezz Elarab Volvo Car Egypt Inertia Egypt Edita Egypt Molto Egypt HOHOs Egypt Freska Adio Amr Saad TICA’S Scoop Empire ripplemark Meashots Gezira Travel Jefaira Inertia IOS Village Venture Lifestyle

Posted by RoamEgypt on Tuesday, September 7, 2021

في الحلقة الجديدة، بنشوف جولة في أماكن ومعالم في الساحل الشمالي تستحق تكون وجهة لينا في السفر للساحل علشان نمر بتجربة جديدة فيه مش متعودين عليها ويمكن مانعرفش عن وجودها فيه، كمان ممكن نستمتع بيها دلوقتي في الجو ده علشان الساحل مش في الصيف بس، دلوقتي مع المعالم دي نقدر نعيش تجربة مختلفة في أجواء هادية كل أوقات السنة زي:

السفينة المهجورة

بشكل مختلف زي ما شوفنا في الفيديو الجديد، زيارة السفينة المهجورة تجربة مميزة لو بتحب تزور وتكتشف أماكن جديدة مع أصحابك، السفينة بشكلها القديم الجذاب، هتكون اختيار مميز ليك إنك تكتشفها.

النصب التذكاري البريطاني

من الحرب العالمية الثانية، النصب التذكاري البريطاني أو مقابر الكومنولث، شاهد على أهم معارك الحرب العالمية الثانية، ومقابر الكومنولث في العلمين مش هي الوحيدة في مصر، لكنها موجود فيها واحد من أهم النصب التذكارية الخاصة بالحرب العالمية الثانية، وهو النصب التذكاري اليوناني، اللي تم انشائه في 1971 وتم تصميمه بطراز معماري يوناني قديم، لتخليد ذكرى وفاة حوالي 320 جندي.

متحف العلمين الحربي

المتحف العسكري اللي موجود في العلمين، بيخلد المعارك المهمة والفاصلة اللي حصلت في الحرب العالمية الثانية على أرض العلمين، وبيضم مجموعة من الأسلحة والمدرعات والمجسمات اللي بتعبر عن معارك العلمين والقوات اللي اشتركت فيها، كمان بتضم خرائط عن سير المعارك.

النصب التذكاري الإيطالي

مقبرة ومتحف ونصب تذكاري للجنود الإيطاليين اللي قاتلوا في معارك العلمين في الحرب العالمية الثانية، لتخليد ذكراهم، تم بناء النصب التذكاري في تل عيسى بالقرب من الساحل الشمالي، وبتعتبر أكبر النصب التذكارية الوطنية في العلمين.

النصب التذكاري الألماني

على شكل زي قلعة من الحجر الرملي، محكمة الإغلاق، بتطل على البحر، النصب التذكاري للحرب الألماني تذكير صامت لمعارك الجنود الألمان، لكن بشكل مميز وموقع كمان بيطل على البحر فطبيعي بيتميز بـ VIEW مختلف هتتبسط لما تزوره.

هرم الطيار الألماني

“هذا الفتى الطيار الألماني المقاتل الذي لا يُقهر هانز يواكيم مارسيل” ده اللي مكتوب على الهرم اللي مبني في وسط الصحراء على طريق الساحل، لتخليد ذكرى الطيار اللي اشتهر بمعركه الجوية خلال حملة شمال افريقيا، ويعتبر من أنجح الطيارين المقاتلين وأُطلق عليه لقب “نجمة أفريقيا”.

أماكن كتير ومختلفة في الساحل والعلمين، وبين تريند الخناقة بتاعت الساحل الطيب والساحل الشرير، وبين اللي بيحبوا يستمتعوا بالساحل ببساطته على البحر والرمل والشمس ويقضوا مصيف هادي، وبين اللي بيحبوا الساحل بخروجاته وحفلاته وسهره والأجواء دي، فيه جانب تاني خالص من الساحل عرفناه النهارده بالمعالم دي، واللي هتخلي الساحل والعلمين مش بس وجهة في الصيف، الناس هتحب تروح طول السنة علشان تعيش أجواء وتجارب مختلفة.

آخر كلمة: ماتفوتوش قراءة: “ساحل تاني خالص”: تعالوا نشوف تجربة Roam Egypt المختلفة في الساحل الشمالي

تعليقات
Loading...