بالرغم من الظروف القاسية اللي كتير من اللاجئين السوريين بيعانوا منها إلا إن الأختين زينب وريان بيحرصوا دايمًا على إنهم ميفوتوش تمرين التايكوندو بتاعهم في أكاديمية التايكوندو الخاصة بمخيم الأزرق للاجئين بالأردن. البنتين بيتمرنوا طول الوقت عشان يقدروا يحققوا حلمهم وهو إنهم يبقوا في يوم من الأيام أبطال في الرياضة دي.
ريان الأخت الكبيرة هي أول بنت تحصل على حزام تايكوندو أسود في المخيم وبتشتغل كل يوم على مهارتها في اللعبة، أما أختها الصغيرة زينب فهي حاصلة على الحزام الأحمر ومستنية رفع الحظر عشان تقدر ترجع تتمرن زي الأول.
البنتين بيتمرنوا تايكوندو بقالهم 4 سنين واللعبة بالنسبة ليهم هي مش مجرد رياضة لكن أسلوب حياة. لو عاوز تعرف عنهم أكتر شوف الفيديو ده.
قراءة المزيد