أعلن خفر السواحل التونسي إن أكتر من 15 مهاجر يعتبروا مفقودين، بعد غرق المركب اللي كانوا عليه ناحية السواحل التونسية.
وكان المهاجرين خرجوا من تونس من ساحل قرقنة في طريقهم للساحل الإيطالي، وقبل الحادثة بأيام كان غرق 32 شخص في حادثة مشابهة.
زادت حوادث الغرق ناحية الساحل التونسي في الأسابيع اللي فاتت، واللي نتج عنها عشرات الضحايا والمفقودين.
يوم الأربع الماضي، أعلن خفر السواحل عن غرق مركب مهاجرين ناحية سواحل محافظة صفاقس، وتم إنقاذ 72 مهاجر، في الوقت اللي تم اعتبار حوالي 20 لـ 30 شخص مفقودين.
وحوالي 4 مهاجرين من إفريقيا من جنوب الصحراء ماتوا، وفُقد حوالي 23 مهاجر آخرين، في حادثتين غرق الأسبوع الماضي ناحية سواحل تونس، وقدرت السلطات تنقذ 53 آخرين.
ومع تحسن أحوال الطقس، زادت في الفترة الأخيرة محاولات عبور المهاجرين للبحر الأبيض المتوسط، في محاولة منهم للوصول للسواحل الأوروبية اللي في الناحية المقابلة.
وزادت نسبة محاولات عبور المتوسط الخطرة دي بعد خطاب الرئيس التونسي قيس سعيد في فبراير، اللي انتقد فيه جموع المهاجرين اللي بتدخل تونس، واعتبر إنهم بقوا مصدر “للجريمة”.