من أكتر الحاجات اللي ميزت موسم رمضان اللي فات، هو إطلالة شريهان من خلال إعلان فودافون اللي حرفيًا قلب الدنيا، لمجرد ظهور شريهان لمدة بضع دقائق أضافت فيهم روح البهجة على الشعب المصري والوطن العربي كله! فتخيلوا بقى كم البهجة اللي هنحس بيه لما نعرف إن وجودها مش هيكون مجرد دقيقتين أو ثلاثة، ولكن لساعات طويلة في مسرحية جديدة! دلوقتي وبعد سنين طويلة من الغياب، مسرحيات بجانب شارع محمد علي، وسك على بناتك وعلشان خاطر عيونك اللي بنفضل نعيد الفرجة عليهم لحد النهارده، غير فوازيرها اللي يعتبر علامة في تاريخ الفن، أعمالها الكبيرة هينضم لهم مسرحية جديدة! وده بعد ما سمعنا بأحلى خبر، وهو عودة النجمة شريهان.
أعلن المستشار تركي آل شيخ عن عودة النجمة شريهان للمسرح بعد غياب سنين طويلة، وصرح من خلال حساب الانستجرام “ترقبوا عودة شريهان للأضواء بعد غياب سنين في عمل مميز”. المسرحية هتكون بعنوان “كوكو شانيل” وهتأدي فيها دور مصممة الأزياء الفرنسية الكبيرة. ومن المفترض إن العمل ده هيتم عرضه على منصة شاهد وهيكون برعاية هيئة الترفيه بالسعودية. وأكدت شريهان الخبر السعيد من خلال نشرها للبرومو وكتابتها من خلال موقع تويتر إنها سعيدة لعودتها في عمل شاق، واتمنت إنه ينال إعجاب جمهور شاهد وإم بي سي وفي جميع أنحاء العالم الجمهوري.