ضريبة القيمة المضافة في السعودية زادت من 5% لـ 15% في محاولة للسيطرة على أزمة “كوفيد-19” الاقتصادية
في تصريح جديد من المملكة العربية السعودية، بدايةً من 1 يوليو 2020، ضريبة القيمة المضافة في المملكة هتتضاعف 3 أضعاف عشان تزيد من 5% لـ 15%. الخطوة جت مفاجئة لناس كتير ولكن الحكومة وضحت إنها مدروسة مسبقًا وبيها السعودية هتقدر توفر 26 مليار دولار أمريكي هيساعدوا في تخفيف الأضرار الاقتصادية للفيروس.
كمان المملكة أعلنت بإن المصروف الشهري للمواطنين المحتاجين اللي بتصرفه الدولة عشان تساعد هيتم قطعه من أول 1 يونيو 2020 عشان الدولة تقدر تجمع ضرائب أكتر هتساعد في تحسين الحالة الاقتصادية للسعودية.
الخبر ده خوف كتير من المغتبرين في دول الخليج العربي بالذات في الإمارات العربية المتحدة، اللي فيها ضريبة قيمة مضافة عند 5%، وكتير شايفين إن الدور عليها خلاص. لكن، خبراء ضرائب كتير بالمنطقة بيقولوا إن الإمارات صعب تاخد نفس طريق السعودية في زيادة الضريبة.
وزير المالية في الإمارات العربية المتحدة كسر الشك باليقين لما صرح بإن بلده مش واضعة زيادة ضريبة القيمة المضافة في اعتباراتها.