“مأساة على طريق صلاح سالم” ده العنوان اللي انتشر في الأخبار عن مأساة حقيقية راح ضحيتها بنت في عز شبابها، وأختها بين الحياة والموت في المستشفى بعد إصابة خطيرة، وصديقتها اتشوهت، وباقي أصحابها اللي كانوا معاهم في العربية مصابين بإصابات مختلفة، كل ده بسبب إيه؟ مش تهور سواقة منها ولا سرعة زايدة على الطريق، كل ده بسبب شخص قرر إنه يتحرش بهم على الطريق ويرمي عليهم بعربيته، فكانت النتيجة وفاة ريهان، اللي كانت سايقة واختل منها الدركسيون وفقدت السيطرة على العربية وخبطت في جدار على الطريق.
الضحية ريهان سراج عمرها 22 سنة، كانت سايقة عربيتها ومعاها أختها و3 صديقات، اتفاجئت وهي سايقة بشاب مستهتر بيتحرش بهم بعربيته وبيقرب منهم بطريقة مخيفة وبيقطع طريقهم، لحد ما عربية البنات اتخبطت في السور الجانبي للطريق.
ماتت ريهان في الحادثة على الفور، وأختها روان اتصابت بكسور خطيرة، ودلوقتي هي في المستشفى وماتعرفش حتى خبر موت أختها.. أما عن واحدة من صديقاتهم اللي كانت معاهم في العربية، فكانت عروسة في ليلة حنتها واتسببت الحادثة في تشوهات لها.
البنت اللي في الصورة دي إسمها ريهان سراج ، راحت في حادثة عشان عيل مستهتر قرر يزنق عليها بالعربية ويعاكسها هي واصحابها…
Posted by Mohamed Wanas on Monday, November 21, 2022
“روان والدها أفهمها أن شقيقتها بالعناية المُركزة، وكل ما يمر عليها طبيب ترجوه: “عاوزين أي حتة في جسمي، قلبي، أو الكلى، أو حتى عينى أتبرع بها لأختى، أنا مستعدة” يبكى الأب ويمسح على شعرها ويقول لها: «أختِك بخير، أحسن مننا كلنا، ربنا نجاها” دي من تفاصيل رواها الأب للمصري اليوم.
شوفنا حادثة مشابهة من حوالي سنة أو أكتر لمريم، أو اللي اتعرفت قضيتها باسم “فتاة المعادي” اللي راحت ضحية لحادثة مشابهة وهي ماشية في الشارع، فحتى لو مش سايقة، البنات دلوقتي معرضة لإن أي متحرش فاكر إنه كده بطل يرمي عليها بعربيته أو حتى بموتوسيكل، علشان يتحرش بها ويخضها ويمشي يضحك من قلبه على الحركة اللي عملها.
طيب يا جماعة استكمالا عن موضوع روان …. الى عملت الحادثة
روان هى اخت ريهان.. ريهان ماتت فى الحادثة و هى بين ادين ربنا…Posted by Niverte Gadallah on Tuesday, November 22, 2022