ظهر حمدي عبدالهادي، سواق قطر مطروح-الإسكندرية، خلال مداخلة هاتفية مع برنامج “التاسعة” اللى بيقدمه الإعلامي يوسف الحسينى، على القناة الأولى ووضح إنه لاحظ وجود كمية كبيرة من الرمل اللي بيغطي السكة الحديد على بعد 400 متر من القطر.
وقال السواق إن القطر كان بيتحرك بسرعة 30 كيلو متر في الساعة، ودي أقل سرعة للقطر علشان كان في إصلاحات بتتم على السكة الحديد في المنطقة دي. وسرعة القطر المنخفضة هي اللي ساعدت السواق يوقف القطر في الوقت المناسب وينقذ أرواح الركاب.
وقال كمان: “ربطت وفرملت الجرار، وروحت نزلت أبص أشوف إيه اللي على السكة.. وأول حاجة عملتها جبت حراسة الشرطة والكمسري عشان يصور الواقعة وأخطرنا المسئولين في قسم الإسكندرية ومطروح”.
وأضاف: “أبلغنا الإشغالات وشالوا الرمل وتم تأكيد محطة عبدالرحمن بالحالة وكيلو المنطقة.. والحمد لله عدت على خير”.
جهود أجهزة #وزارة_الداخلية لكشف ملابسات تداول صورة على إحدى الصفحات عبر موقع التواصل الإجتماعى “فيس بوك” تحت عنوان “…
Posted by الصفحة الرسمية لوزارة الداخلية on Sunday, December 5, 2021
ونشرت الصفحة الرسمية لوزارة الداخلية على الفيسبوك تفاصيل التحقيق في حادثة القطر وقال إن أجهزة وزارة الداخلية حققت في ملابسات تداول صورة على إحدى الصفحات عبر موقع التواصل الإجتماعي “فيس بوك” تحت عنوان “محاولة فاشلة من أهل الشر” مفادها توقف سائق قطار مطروح – الإسكندرية لوجود كمية من الرمال على شريط السكة الحديد بدائرة قسم شرطة العلمين.
ووضح البوست إن قوات الداخلية اكتشفت بعد الفحص وإجراء التحريات إلى أحد شهود الواقعة (سائق – مقيم بدائرة قسم شرطة العلمين بمطروح)، وقال الشاهد إنه شاف حفار بيحاول يعدي خط السكة الحديد في نفس المنطقة قبل الحادثة .وقدرت الأجهزة الأمنية تحدد سواق الحفار اللي الشاهد وصفه.. وقدرت القوات الأمنية تقبض على سواق الحفار اللي اعترف بارتكاب الواقعة وقال إنه عمل كده علشان كان في طريق غير شرعي في المنطقة دي وكان الحفار بيعدي منه، بس الطريق ده اتشال في وقت تجديد السكة الحديد. سواق الحفار حط كمية من الرمل على شريط السكة الحديد علشان يعمل طريق غير شرعي تاني في نفس المنطقة علشان يقدر يعدي بالحفار بدل ما يسوق مسافة كبير لأقرب كوبري بيعدي فوق السكة الحديد.