خلال الأيام الماضية انتشر كلام البنات على فوائد زيت الحشيش للشعر والبشرة. وبدأت التريند على إحدي جروبات الفيسبوك لما بنت نشرت صورة مكتوب فيها إن استعمال الحشيش على الشعر له فوائد، ومن بعدها بدأت الميمز والكوميكس عن الموضوع تنتشر على مواقع التواصل الإجتماعي.
الحشيش اللي بيعتبر مادة مخدرة وغير قانونية بتختلف تمامًا عن زيت نبتة الحشيش أو الـ “Hemp” لأنه بيتم استخراجه بطريقة التقطير كزيت طبيعي من أوراق نبات القنب وبيستخدم كزيت عطري وله وفوائد كتيرة، ولكن بالرغم من الفوائد دي هو غير منتشر لأن في دول كثيرة بتمنع زراعته وتصديره. ومن الفوائد اللي بيقدمها زيت الحشيش للشعر ترتيب الشعر وتنعيمه وكمان بيحفز علي نمو الشعر والتقليل من التقصيف وده غير أنه بيستخدم كعلاج ضد القشرة والإبطاء من مشاكل تساقط الشعر الوراثية.
وغير الفوائد اللي بيقدمها زيت الحشيش للشعر، وفقًا لأبحاث موثقة علميًا تم نشرها على موقع جامعة هارفرد بالولايات المتحدة الأمريكية، زيت الحشيش بيستخدم في الأدوية اللي بتساعد علي علاج نوبات الصرع عند الأطفال وفي بعض الحالات زيت الحشيش بيساعد علي تقليل نوبات الصرع أو التخلص منها. وده غير أنه بيستخدم كمهدئ للقلق والأرق. وكمان بسبب مميزات المضادة للإلتهاب اللي موجودة في زيت الحشيش بيستخدم كمهدئ الآلام المزمنة والعصبية.
وبعد ما عرضنا فؤائد زيت الحشيش للشعر والجسم، قررنا نجيب ليكم شوية من الميمز والكوميكس اللي ضحكتنا من على مواقع التواصل الاجتماعي المختلفة عن الموضوع خلال اليومين اللي فاتوا.
