زيّ ما غادة عبد الرازق جمعت بين خمس أزواج في مسلسلها المشهور (زهرة وأزواجها الخمسة)، جمعت سيدة في الشرقية بين أربع أزواج في وقت واحد، وعقد لها نفس المأذون كل مرة في دايرة قسم أول الزقازيق، قبل ما يتقبض عليها وتتحول لمحكمة جنايات الزقازيق.
وحكمت عليها محكمة جنايات الزقازيق برئاسة المستشار محمد عبد الكريم، من كام ساعة بالسجن تلات سنين، بتهمة الجمع بين أربع أزواج في وقت واحد.
ذكر نص إحالة المتهمة لمحكمة جنايات الزقازيق إن اللي ساعدها مأذون، ووصفته الإحالة بـ “حسن النية”، في منطقة الحريري في قسم أول الزقازيق.
ومن خلال استغلال المأذون، قدرت تزور عقد جواز رسمي، وزورت في الأوراق الرسمية اللي يظهر إن معندهاش أي موانع شرعية للجواز، رغم إنها كانت على عصمة تلات أزواج لما اتجوزت الرابع.
عقد جواز المتهمة الرسمي الأول بتاريخ 7 نوفمبر من سنة 2009، أما عقد الجواز الرسمي التاني فهو بتاريخ 24 يونيو من سنة 2019، واتكتب كتابها بعقد جواز رسمي للمرة التالتة في 24 مايو من سنة2021.
وكشفت التحقيقات إن المتهمة اتجوزت سبع مرات، ولكن الجمع بين الأزواج جيه في أربعة منهم بس.