يوم 26 فبراير قدرت الملاكمة السعودية رغد النعيمي تحقق الفوز الأول لها في بطولة عالمية، في فعاليات (نزال الحقيقة) للملاكمة، اللي كان مُقام على حلبة الدرعية.
جذبت فعاليات حلبة الدرعية انتباه العالم، وبالذات متابعين رياضة الملاكمة، بعد استضافة أبطال عالميين في الملاكمة، زيّ الملاكم الأمريكي جيك بول، ومنافسه البريطاني تومي فيوري، في النسخة التانية من فعاليات موسم الدرعية.
وفي النسخة التانية من الفعاليات اتعرف اسم الملاكمة السعودية رغد النعيمي كواحدة من المشاركين في بطولة نزال الحقيقة في الدرعية، اللي حققت لقب أول سعودية بتشارك بشكل رسمي في بطولة بتضم أسماء عالمية.
بدأت رغد مسيرتها في رياضة الملاكمة من سنة 2017، وكانت عبرت عن فخرها وسعادتها بتمثيل المملكة العربية السعودية في البطولة الكبيرة اللي بتستضيفها المملكة.
قدرت رغد تحقق الفوز في الماتش اللي لعبت فيه ضد بطلة غانا بربتشوال أوكيدا، وعبرت في تصريحاتها إنها سعيدة جدًا بالفوز في أول ماتش، واتمنت إنها تقدر تقدم مستوى أحسن في الماتشات الجاية علشان تحقق إنجازات أكتر.
بتخطط رغدة إنها تلعب الملاكمة بشكل احترافي، أما هدفها فهو تمثيل المملكة في بطولات عالمية، زيّ بطولة العالم للملاكمة النسائية (IBA) اللي لسه خلصانة في نيودلهي، أو بطولة (ASBC) الآسيوية للملاكمة.