رابطة كارهي الرنجة والفسيخ يمتنعوا عن القراءة، الموضوع ده خاص لمحبين وعشاق الرنجة بكل مشتقاتها وأحوالها وأي وضع هي فيه، ولإننا بنقدرك ونقدر احترامك للرنجة في كل أوضاعها ومكوناتها، جمعنا لك بعض الافتكاسات تجدد بيهم حبك وتقديرك ليها أنت كمان، أما بالنسبة لغير محبيها فيقدروا يبصوا بصة معانا مش هنقول لأ.
رنجة بالعسل
سلاحف الرنجة، رنجة وبطروخ يضرب في النفوخ، إيه المشكلة لما يجتمع الحلو مع الحادق؟ شوفناها كتير جت على الرنجة؟ والتجربة دي بيقدمها مطعم سلاحف الرنجة عن طريق إنه بيخلط رنجة دلعة مع نوع عسل يناسب دلاعة الرنجة بدون ما يكون مسكر بزيادة، وممكن كمان تجربها من إيد أميرة شنب بس تضيف معاها مستدرة، لكل معلقة مستردة معلقتين عسل مع رشة ملح وفلفل بسيطة وبصل شرائح.
فرايد رنجة
@fatmascook رنجه مقليه مقرمشه fried renga طريقه جديده لأكل الرنجه #جديد #رنجه #fried #explore
من الفرايد تشيكن للفرايد رنجة، عاملها معاملة البطاطس الفرايد أو الفراخ، كل اللي علينا هو إننا نقطعها قطع طويلة ونغرقها في الدقيق والبيض والبقسماط كإنك بتحمر البانيه، ونسخن الزيت في الطاسة ونضيفهم ونسيبهم لحد ما يتقلوا أو ياخدو اللون الدهبي.
منقوشة رنجة
لعشاق المناقيش والأكل اللبناني قدرنا نجمع لكم الرنجة والمنقوشة في كومبو واحد، على طريقة غادة التلي هنعمل في الأول عجينة العشر دقائق، دقيق وزيت ولبن بودرة وخميرة وللرنجة كل اللي هنحتاجه بصل وطماطم وطحينة ولمون وزيت، وبمجرد ما تجهز العجينة عندك بتضيف الحشو وبعدين تدخلهم الفرن، وبالهنا على قلبك المنقوشة.
رنجة بالساور كريم
بنحاول ندلع الرنجة تاني بس المرة دي مع الساور كريم، الوصفة مافيش أسهل منها، سمكة رنجة مشوية مخلية وتفاحة مقطعة شرايح صغيرة وليمونة، ومعاهم نص كوباية ساور كريم مع معلقة كبيرة زبادي ومعلقة صغيرة سكر ونصف بصلة متقطعة شرائح، وكل ده يتقلب مع بعضه زي أي سلطة رنجة أصيلة.
رنجة بالمانجا
@raniaelnagar31 رنجة بالمانجة ?? ترند الساحل الشرير #رانيا_النجار #fypシ #مصر #السعودية #مشاهير_تيك_توك #cooking #سمك
اختراع بدأ من مطاعم الحمادي للرنجة والفسيخ في الساحل الشمالي، الناس سمت الاختراع ده باختراع الساحل الشرير بس البلوجر المتخصصة في أعمال الطهي، رانيا النجار، جابت لنا الوصفة لحد عندنا.
هنقشر الرنجة ونقطعها قطع صغيرة ونجيب المانجة وقطعها مكعبات وبعد كدة هجيب بطاطس مكعبات وهحط البطاطس على النار تتسلق، وبعد ما تتسلق هنجيب فوقيها طماطم وأفوكادو ونسيبهم على جنب، ونعمل صوص في الخلاط أو الهاند بلندر مكون من واحد ثوم ووعلبة زبادي ومعلقة صغيرة من المستردة وشوية ملح مع معلقة صغيرة من الخل وعصير لمونة كاملة ومننساش نحط كام قطعة ماناة مع الصوص، وفي النهاية نضيف الصوص مع قطع الخضروات والرنجة والمانجا.
فاهيتا الرنجة
@basmafoodie @Basma Mostafa اختراعات الفسيخ والرنجة – مين مجنون حط المانجا علي الرنجة #basmafoodie #فسيخ #رنجة #رنجة_فسيخ #فسيخ_رنجة #اختراعات_الفسيخ #اختراعات_الرنجة #فسيخ_الحمادي #رنجة_بالمانجا #سلطة_رنجة #سلطة_فسيخ #فسيخ_سنجاري #بطاريخ #سلطة_بطاريخ #مطاعم_زايد #مطاعم_اكتوبر #مطاعم_مصر #مطاعم_القاهرة #فسيخ_ام_مكه #فسيخ_العيد #فسيخ_مصر #فسيخ_ام_مكة #فسيخ_ام_رقية #فسخاني #اسماك_مملحة
هنعاملها معاملة الفاهيتا نجيب رنجة فيليه مخلية قطع ننزل بيها على جريل فيه زيت سخن كإننا بنشويها بالظبط وننزل بعدها بالخضار والبصل والفلقل الألوان وكل ما لذ وطاب، ونسيبها لما تحس أن الرنجة ريحتها بدأت تتطلع كإنها بتتشوي وبعد ما الخضار يدبل وبالهنا والشفا.
موس الرنجة
لو زهقت تشوفها في وضعها الطبيعي تقدر بالكبة أو الخلاط تحولها لرنجة موس، هتجيب رنجة مخلية من الجلد والشوك وطحينة وخل وليمون وبصل أخضر وكزبرة خضرا ولو عايز تدلعها أكثر وتديها لون، عليك وعلى البنجر المسلوق المتقطع وكل ده يدوخ في الخلاط مع بعضه لحد ما توصل للقوام الكريمي اللي بتحبه