نيللي الشرقاوي ترفع دعوى قضائية ضد الفنان أحمد فلوكس بتطالب بتعويض مالي بقيمة 10 مليون جنيه، وده بعد ما فلوكس قام بسب وقذف نيللي من خلال ردوده على تعليقها على بوست كتبه على صفحته الرسمية على انستجرام، كان بيدعم فيه المطرب المغربي سعد لمجرد لإحياء حفلته في القاهرة، وتعدى فلوكس عليها بألفاظ خارجة، فتقدمت المدعية برفع دعوى قضائية بتطالب فيها فلوكس بتعويض مالي قيمته 10 مليون جنيه، والدعوي هيتم النظر فيها يوم 28 أكتوبر في المحكمة الاقتصادية.
الحفلة اللي كانت من المقرر إقامتها في القاهرة للمطرب المغربي سعد لمجرد، واللي أثارت جدل وتعليقات كتير على السوشيال ميديا بتطالب بإلغائها نظرًا لاتهامات موجهة لسعد في جرايم تحرش واغتصاب، وإنه مينفعش نستضيف مطرب بتطارده الاتهامات دي ووصفوا ده بإنه تشجيع للمتحرشين، فقام الكتير من المتابعين لفلوكس بمعارضة دعمه لسعد المجرد.
لكن بعد ما كتير هاجموا أحمد فلوكس لرده على المتابعة ومهاجمتها والتعدي عليها، كتب بوست وضح فيه إن مش هو اللي رد عليها وإن صفحاته على السوشيال ميديا بيديرها مسئولين عن الصفحة ومش هو بنفسه اللي بيرد على التعليقات، لكن اتفاجئنا بعد كدة إن البوست ده اتمسح هما كمان.