الجدل اللي حصل بعد عرض حلقة من مسلسل ملحمة موسى بطولة محمد رمضان، واللي ظهر فيها شبيه للفنان الرحل إسماعيل ياسين، وحصل موقف في سياق المسلسل البعض شافه إساءة للفنان الراحل، المشهد كان بين شخصية موسى وإسماعيل ياسين، واللي حصل إن إسماعيل ياسين اشترى مستلزمات من محل بيبيع فيه محمد رمضان، وكان بيتهرب من دفع الحساب بحجة إنه فنان مشهور، ودي إساءة للفنان الراحل إنه كان عايش عالة على شهرته وبيستغلها في إنه ياخد حاجات مش من حقه، وده سبب جدل كبير وصل للدعاوي القضائية.
وكتب الشاعر أيمن بهجت قمر على صفحته الرسمية بيعلن إنه هيرفع دعوى قضائية ضد صناع العمل لإن المشهد ده إساءة للفنان الراحل.
وحفيدة الفنان إسماعيل ياسين علقت على الموضوع.
وظهرت وثائق بتبين تبرعات للفنان الراحل ومساهمات قومية له، للرد على الإساءة اللي ظهرت في مسلسل موسى.
والمخرج محمد سلامة مخرج المسلسل رد على الجدل ده على صفحته.
وكاتب المسلسل علق في إحدى الصحف، ورد على كلامه أيمن بهجت قمر في بوست على صفحته.
وبين رد الكاتب بإن الموقف ده حقيقي وحصل بين والده وإسماعيل ياسين، لكن محمد رمضان كان عنده رد تاني، قال إن الشخصية دي مش إسماعيل ياسين نفسه، لكنه شخص شبيه للفنان وقرر يستغل الشبه ده بطريقة غلط.