لإن الصعيد في مصر له طبيعته الخاصة اللي بتلهم الفنانين، مشروع لتوثيق شكل الحياة اليومية للناس وعاداتهم ولبسهم في صعيد مصر، باسم “جذور” علشان يسلط الضوء على الحياة الحقيقية لأهلنا في الصعيد، بعيد عن المبالغة أو الصور النمطية اللي بيتم تداولها عن الجنوب، والمعرض بيضم 200 صورة فوتوغرافية، بيتم تنظيم المعرض بالتعاون بين منصة humans of upper Egypt والأقصر آرت جاليري في منطقة أثرية مفتوحة بمحافظة الأقصر.
محمود هواري صاحب فكرة المعرض قال لموقع القاهرة 24 إنه بيشتغل على الفكرة من سنة 2011، من وقت ما أنشأ صفحة على السوشيال ميديا سماها “Human of upper Egypt “وبدأ في جمع المادة البصرية اللي تخص مناطق وقرى الصعيد، وقام بتصوير أكثر من 200 صورة مختلفة من بورتريهات بتبرز الملامح الصعيدية الجذابة، وبعض من أشكال المنازل القديمة اللى بنلاقيها في الصعيد، وكمان الموروثات الشعبية والأزياء، بالإضافة للألعاب المختلفة وكان من أبرزها لعبة “التحطيب”.
سواء السياح الأجانب من مختلف بلاد العالم، المعرض هيكون ملتقى لكل اللي بيحب يعرف ملامح البلد الحقيقية وأهلها، في واحد من أكثر الأقاليم المصرية اللي له حالة خاصة بيه وفريد من نوعه، لإن المعرض هيكون بمثابة مرجع للفترة دي بملامحها بعد مرور سنين من دلوقتي، لإن مناطق كتير في الصعيد ابتدت تتجه لشكل الحياة العصري وللأسف بيختفي بالتدريج الطابع الشعبي التقليدي وشكل حياة الناس.
