تعليق رئيس شعبة الأرز على إلغاء وزير التموين تسعيرة الرز

علق النائب مجدي الوليلي، عضو شعبة الرز باتحاد الصناعات، على قرار إلغاء العمل بقرار تسعير الرز: “الأسعار هتزيد الفترة المقبلة نتيجة القرار ده”.

وأضاف خلال مكالمة مع عمرو أديب، في برنامج الحكاية، إن الاقتصاد الحر بتطبق في دول عندها ثقافة التعامل والرقابة.

وتابع : “لو واحد من التجار حط 30 جنيه سعر الرز وسألته هيقولك اللى مش عاوز مايشتريش، والمنظومة محتاجة إعادة نظر لضبط الأسعار”.

وقال إن وزير التموين الدكتور على مصيلحي بذل مجهود كبير في نجاح منظومة تسعيرة الز والسيطرة على الأسعار، ولكن في يد بتخبي الرز الشعير.

وأضاف إن كان لازم يتعاد النظر في التسعير، مش إلغائه، لإن ده هيزود الأسعار كتير، وده مش وقت مناسب لإلغاء التسعيرة.

واتوقع الوليلي إن سعر الرز هيزيد لأكتر من 25 جنيه خلال الفترة الجاية، ورد على سؤال عمرو أديب إذا قرر التجار رفع السعر بعد قراره إلغاء التسعيرة ووصل سعر الرز لـ 28 جنيه، وقال: “هتشتريه، هتعمل إيه؟”.

وعلق رجب شحاتة، رئيس شعبة الرز باتحاد الصناعات، على أزمة عدم توفر الرز في السوق، في مكالمة مع برنامج الحكاية إن في أزمة في الرز منقدرش ننكرها، وإن سعر طن الرز الشعير وصل لـ 15 ألف جنيه، وأضاف: “ازاي المحلات هتبيعه بـ 16 أو 18 جنيه”.

آخر كلمة: ماتفوتوش قراءة: مصري ينقذ بنت من الموت بعد حادث في إيطاليا