في فترة رجوع المدارس وسط إجراءات احترازية لمواجهة فيروس كورونا، واعتماد كبير على أساليب التعليم عن بعد، ظهرت مشاكل كتيرة بتخص خصوصية المستخدم، وفاعلية تطبيقات ومواقع الاجتماعات والمقابلات الأونلاين زي أبلكيشن زووم اللي ظهرت شكاوي كتير بتخص عدم دقة إعدادات الخصوصية والأمان فيه. وعلشان كده قررت إدارة زوم إنها تعمل تحديثات عليه تقدر تحمي بيها بيانات المستخدمين بأقصى درجات الأمان الممكنة.
التحديثات تضمنت طريقة آمنة أكتر للحماية والخصوصية وهي طريقة المصادقة الثناية أو (2FA) اللي بتعمل على منع الوصول غير المصرح بيه إلى حسابات المستخدمين، وبالتالي بيمنع الاستيلاء عليها. ودلوقتي بيتوفر اختيارين، الأول هو إرسال كود للموبايل الخاص بالمستخدم من خلال رسائل قصيرة SMS في كل مرة بيتم فيها تسجيل الدخول، والمستخدم يقوم بكتابة الكود ده علشان يقدر يفتح الحساب بالإضافة إلى كلمة المرور.
والاختيار التاني هو إنه بيتم إنشاء كود من خلال أبلكيشن مخصص للمصادقة زي أبلكيشن Authenticator أو Microsoft Authenticator أو FreeOTP، وبردو بنفس الطريقة، المستخدم هيدخل الكود في كل مرة يقوم فيها بتسجيل الدخول للحساب.
وعلشان يتم تفعيل الاختيارات دي، لازم في الأول تقوم بتفعيل المصادقة الثنائية من إعدادات زووم نفسه من “Profile”. ولما تقوم بالتفعيل هتحصل على كود استعادة تقدر تستخدمه في الوصول لحسابك لو معرفتش توصل لحسابك في أي حالة، وهبيتم إرسال رسالة قصيرة فيها الكود.