وجه الرئيس عبد الفتاح السيسي، برفع جاهزية مدينة شرم الشيخ علشان تكون على أتم الاستعداد علشان ترجع تاني تستقبل السياح، وكنا تابعنا مجموعة من المشاريع الفترة اللي فاتت اللي اتنفذت تحت رئاسة عبد الفتاح السيسي واللي تعتبر حاجة من جهوده الكتيرة لتطوير البلد ولتطوير منطقة شرم الشيخ، تعالوا نتعرف على أهم المشاريع دي.
تطوير خليج نعمة
مشروع تطوير منطقة خليج نعمة في شرم الشيخ علشان تنافس عواصم الدول التانية في الثقافة والترفيه وتم توفير 150 مليون جنيه للمشروع ده، تضمن التخطيط للمشروع الأتي.
- مشاية بطول 3 كم
- مضماراً للدرجات
- أماكن انتظار وكافيتريات
- مقاعد عامة وحدايق
- بحيرات صناعية وجداريات
- بالإضافة للتشجير والتجميل عشان تناسب الوضع السياحي العالمي
- تطوير كورنيش خليج نعمة
- مضمارًا للخيل
متحف شرم الشيخ القومي
يعتبر من أهم المشاريع القومية اللي اتنفذت بالفعل في الفترة الأخيرة وتم افتتاحها على أرض مدينة السلام العالمية شرم الشيخ، المتحف على مسافة قريبة من مطار شرم الشيخ الدولي، المتحف ده بيتسع لأكثر من 20 ألف قطعة أثرية.
تطبيقات الهوية البصرية
عملوا تعميم شامل في مدينة شرم الشيخ بجميع شوارع المدينة، عن طريق تنسيق بين مجلس المدينة والجامعة الألمانية، وبين المطاعم والمحلات التجارية والمواصلات العامة.
مشروع تطوير مضمار الهجن
مضمار الهجن ده عبارة عن سباقات بيشارك فيها جميع الدول، حققت صدى كبير لما شارك فيها دول عربية كتيرة في شرم الشيخ، وتم تطوير المشروع ده من أكتر من اتجاه:
- تطوير المنصة القديمة بالمضمار
- عيادة طبية خاصة بالمضمار مجهزة بالأدوات والمعدات الطبية الحديثة، منها أجهزة للأكسجين والقلب.
- إنشاء جديد لسباقات الخيل ورياضة الفروسية وركوب الخيل
مشروع تطوير السوق القديم
يعتبر إضافة للمزارات السياحية للمدينة، وبيضم عملية تجميل وإعداد واجهات جميع المحلات بمنطقة السوق القديم علشان تتماشى مع الطراز المعماري لمسجد الصحابة. وإنشاء محطة لتموين السيارات بالغاز الطبيعي، مع بناء محلات وكافيتريات تناسب الطابع السياحي.