بحيرات الأنصب موجودة في ولاية بوشر بمحافظة مسقط في سلطنة عُمان، ومساحتها 18 كم مربع، وهي على بعد كام كم من مطار مسقط الدولي. وهي واحدة من الأماكن السياحية والتعليمية والترفيهية والطبيعية في السلطنة، وبيزورها أكتر من 2000 سائح سنويًا لمناظرها الطبيعية الجميلة، وموقعها الاستراتيجي.
والبحيرات دي بيستخدموها في السلطنة لتربية الأسماك اللي بتتغذى على دود الحشرات اللي بيهلك البيئة ويخليها مش مناسبة للطيور، واستخدموا الوسيلة دي علشان يتخلصوا من الدود من غير ما يستخدموا المبيدات الحشرية اللي بتؤثر على الطيور والنباتات. والبحيرات كمان بتعتبر مكان مناسب للباحثين والمستكشفين في مجال الطبيعة، وطلاب الجامعات والكليات والمدارس.
بحيرات الأنصب بتوفر بيئة آمنة للفراشات، ول113 نوع من النباتات العمانية، وأشجار محلية طبيعية متنوعة زي السدر، والغاف، والقرط، والطيق، والسوقم، والعيتيت، واللبان، والتين البري، والعلعلان، والشوع، والصوبار، والراك، والميسيت. وتم استغلال الأخشاب المقطوعة من أشجار المسكيت علشان يعملوا سياجات طبيعية للبحيرات علشان تزيدها جمال.
ومن أكتر الحاجات اللي بتميز بحيرات الأنصب الطيور، فبتحتوي على أكتر من 300 نوع من الطيور، معظمهم بيهاجروا في فصل الشتاء من أوروبا، وأفريقيا، وآسيا، والعراق، وإيران، زي البط الأحمر، وطائر النحام الكبير، والغواص، والشنقب الشائع، ومرعة منقطة، والوراق الأبيض الصغير، والوراق الصغير، والنقشارة، وطائر الصرد، وطيور السمنة، والهزاز الأزرق، والعقاب الإمبراطوري، والعقاب الكبير، وطيور القطا المخطط، والقطا الكستنائي، والدرج الرمادي والأبلق، وطيور القبرة.