المصريين على السوشيال ميديا بيطالبوا بحظر شامل لمنع نشر عدوى “كوفيد-19”
من ساعت ما وباء “كوفيد-19” اتشر في الشرق الأوسط، ومصر كانت من الدول اللي اختارت متطبقش حظر شامل لمدة 24 ساعة، ولكن حظر تجوال بدأ من الساعة 7، وبعدين إتأجل لـ 8، وحاليًا في شهر رمضان بيبدأ من 9 بليل.
في الكام يوم اللي فاتوا، عدد الحالات زاد بشكل غير متوقع، ووزارة الصحة والإسكان بتعلن عن أكتر من 450 حالة كل يوم، أما العدد الكلي للحالات فتخطى أكتر من 9400 من ساعت يوم الأحد. وعشان كده كتير توجهوا للسوشيال ميديا عشان يعبروا عن مطلبهم ف تطبيق حظر كلي وشامل لفترة مش قصيرة عشان يتم السيطرة على الموقف.
من يوم السبت، د. حسين خيري، رئيس نقابة الأطباء في مصر ود. شرين غالب، رئيسة نقابة الأطباء في القاهرة، تقدموابرسالة لرئيس الوزراء المصري مصطفى المدبولي بيطلبوا منه بتطبيق حظر شامل لمدة أسبوعين عشان أعداد الإصابات تقل.
بعدها بعدة ساعات، مستشار رئيس الجمهورية لشئون الصحة والوقاية د.محمد عوض تاج الدين من خلال مكالمة تليفونية مع برنامج “حضرة المواطن” صرح بإن الحكومة ممكن تطبق حظر شامل لو الأعداد زادت عن رقم معين.