طبعًا يوم الفلانتين من كل سنة، بنتعود إن كتير من المغنيين والمغنيات العرب بيحيوا حفلات ويمتعونا فيهم بأحلى الأغاني الرومانسية اللي بتحسسنا بجو مميز ومختلف في اليوم ده. وبرغم الظروف اللي بيمر بيها العالم كله بسبب فيروس كورونا وتقليل الكتير من الحفلات الغنائية، ولكن ده مامنعناش كشعوب عربية إننا نحتفل ونقضي وقت سعيد وكمان نحضر حفلات غنائية في المناسبات المختلفة.. حتى لو كانت أونلاين! فالنهارده وبمناسبة عيد الحب، هيحيي الفنان محمد عساف حفل غنائي على حسابه بالتيك توك لأول مرة!
مش بس هيغني المطرب محمد عساف بعض من أفضل أغانيه، ولكنه كمان هيتفاعل مع الجمهور وهيجاوب على أسئلتهم. الحفل هيكون النهارده 14 فبراير، الساعة 9 بتوقيت دبي، وبعد ما عرفنا الخبر ده، فكرنا في شوية من أغاني محمد عساف اللي إحنا هنحب إننا نسمعها منه خلال حفلة النهارده! من أغاني حزينة لرومانسية فتعالوا نشوف إيه هما الأغاني دي..