هاشتاج جديد بقى تريند في وقت قليل جدًا على السوشيال ميديا، الناس من خلاله بتحكي عن معاناتهم والحاجات الغريبة اللي بيقابلوها وهما بيدوروا على شغل أو هما بيشتغلوا سواء من مديرهم أو صحابهم اللي شغالين معاهم في نفس التيم، بين ميمز مضحكة لحكايات، الهاشتاج انتشر بسرعة وواضح عن معظم الناس بتعاني من نفس الحاجة وهي إن لو هتشتغل 24 ساعة بأربعة جنيه ونص في الشهر ومن غير أجازات؟ إرقب بسرعة.. بس لو عايز تشتغل زيّ ما المنطق بيقول فمعندناش مكان ليك، والمشاركين على الهاشتاج قرروا يرفعوا شعار هم يبكي وهم يضحك، فتعالوا نشوف إيه الميمز اللي نزلت على الهاشتاج..
التعسيف في إن الناس تلاقي شغل بالمواصفات المطلوبة دي، اللي الناس بتشوفها طلبات توظيف أبطال خارقين، وما صدقوا التريند ده علشان يعبروا عن اللي بيشوفوه بطريقة كوميدية كالعادة.
عملت المعجزة واشتغلت؟ الاستغلال للموظفين نفسهم كمان بيعاني منه ناس كتير، ماقدروش يفوتوا التريند.
الناس شايفة التريند ده بشكل إيجابي كمان، وهو إن الشباب هيبتدوا يبقوا عندهم وعي أكتر بحقوقهم ويطالبوا بيها، والشركات اللي بتستغل الموظفين بالشكل ده ياريت كمان يحسوا إن اللي بيحصل ده غير آدمي ويغيروا وجهة النظر اللي مقومين بيها شركاتهم.