رودينا هي طالبة مصرية بتدرس في واحدة من مدارس محافظة الجيزة، اتوفت بأزمة قلبية حادة، بعد ما مارس عليها زمايلها في الدراسة تنمر اتسبب لها بحالة شديدة من الضغط النفسي وصلتها لهبوط حاد بالدورة الدموية، اتسبب في وقوعها في حالة إغماء، وماتت أخيرًا بعد نقلها للمستشفى.
وصل لغرفة عمليات النجدة في الجيزة، إشارة من المستشفى بتوضح استقبال جثة بنت عندها 16 سنة، من غير إصابات ظاهرية، وبعد الكشف الطبي عليها اتضح إنها اتعرضت لأزمة قلبية حادة، وماشتبهوش في وجود شبهة جنائية في الحادث.
وبعد سؤال والدها عن ملابسات الحادثة، قال إن بنته طالبة الثانوي سقطت مغمى عليها في شقتهم، بعد ما اتعرضت لأزمة نفسية، بسبب خناقة بالكلام بينها وبين زميلاتها في المدرسة، ومابقتش بتتحرك أو تتنفس، فطلب الإسعاف ونقلها للمستشفى لكن كانت قد ماتت قبل ما يوصوا.
قال عدد من شهود الواقعة إن زميلات الضحية اتنمروا عليها وقالوا لها: “أنتي مش من مستوانا علشان تلعبي معانا، أنتي وحشة، ازاي مستحملة شكلك؟” وكتبوا كلام مسيء على الديسك بتاعها، ولما اتضايقت واشتكت لإدارة المدرسة اتجاهلوها.
وضح حامد الطبيب النفسي، إن الانفعالات النفسية الزايدة والغضب والقلق اللي مش بتتحملهم الأعصاب ممكن يسببوا ارتفاع منسوب الأدرينالين بشكل كبير مايتحملوش القلب وممكن يسبب الوفاة.