ظهر الفنان محمد لطفي في برنامج (حبر سري) على قناة القاهرة والناس، وسألته المذيعة عن هيثم، ابن الفنان أحمد زكي اللي توفاه الله سنة 2019، وده اللي خلى لطفي يعيط.
أكد لطفي إن الراحل أحمد زكي كان له فضل كبير عليه في مسيرته الفنية، واتفاجئ بسؤال المذيعة عن إهماله لابنه هيثم، وقال إن ده مش حقيقي.
وضح كمان إن هيثم أحمد زكي كان بيتمرن كتير في الفترة الأخيرة، وكان بياخد منشطات كتير في التدريبات كانت السبب في التأثير على صحته.
بعد الحلقة، الناس افتكرت الفنان الراحل هيثم أحمد زكي واترحمت عليه، لكن اختلفت الآراء بخصوص محمد لطفي، في ناس قدرت مشاعره الجميلة، وناس تانية اتهمته بإنه كان بيمثل.
وكان في ناس شايفة إن تصوير الفنانين بيعيطوا في البرامج الحوارية هو مجرد محاولة للنجاح واستعطاف الجماهير.
وكان في آراء شايفة إن البرامج الحوارية بتستضيف الناس علشان توجع قلوبهم، وتجيب مشاهدات باللعب على أوجاع الناس.
وأنت إيه رأيك؟ هل البرامج الحوارية بتستعطف المشاهدات باستغلال أوجاع الناس ومشاعرهم، ولا الموضوع كله تمثيل، ولا شايف إن اللي حصل مجرد لحظة انفعالية وتصويرها مهم علشان نظهر حقيقة الفنان اللي بنحبه وبنتابعه؟