على هامش فعاليات موسم الرياض السنة دي، تم إنطلاق أكبر حدث للأمن السيبراني في الشرق الأوسط، واللي بيعتبر أكبر حدث عالمي متخصص في مجال البرمجة تحت شعار AT Hack من يوم 28 نوفمير لحد يوم 30 في منطقة واجهة الرياض، واللي بيعتبروها من أكتر الأماكن جذبًا للزوار والأحداث المهمة.
المواجهة السيبرانية قربت 😎🌐
بحضور خبراء في الأمن السيبراني يقدمون كل جديد من أدوات وتكنيكات للتصدي لكل الهجمات 👍
كل هذا وأكثر بفعالية At Hack في #واجهة_الرياض 😍
سجل الحين مجانًا .. ننتظرك من 28 إلى 30 نوفمبر 👇https://t.co/XiM47leGwJ#موسم_الرياض pic.twitter.com/JLLZG9WKfz— موسم الرياض | Riyadh Season (@RiyadhSeason) November 27, 2021
الفاعلية بالشراكة مع الاتحاد السعودي للأمن السيبراني والبرمجة والدرونز وشركة Infroma Tech والشريك الرقمي STC، والحدث ده بيهدف لزيادة الوعي بمخاطر الأمن السيبراني والتصدي لها، وعلشان يستعرضوا فيه أحدث المستجدات في المجال وفي وسط حضور أكتر من 200 متدرب و200 شركة رائدة، ده غير إن الحدث ده بيعزز رؤية المملكة إنه بحلول عام 2030 يبقى في مبرمج وسط كل 100 سعودي، باعتبار مجال البرمجة هو المستقبل وترسيخًا لمكانة المملكة السعودية باعتبارها بقت في المركز التاني عالميًا في مجال الأمن السيبراني والأولى على مستوى الدول العربية وفي الشرق الأوسط وقارة آسيا.
حماية الأمن السيبراني عملية صعبة وتحدي كبير النهارده وفي وسط الكم الكبير من وجود الأجهزة واللي عددها يفوق عدد الأشخاص، ده غير إن الهجمات السيبرانية هدفها الأساسي الوصول للمعلومات الحساسة وتغييرها أو السيطرة والاستيلاء عليها، بشكل يهدد أمن واستقرار أي دولة، وغير كل ده الهاكرز كل يوم بيكتروا وبيبقوا أكتر حرفية وابتكار، وعلشان كده كل الدول بقت تعتبرها حرب معلوماتية من الدرجة الأولى ولازم يجهزوا لها ويستعدوا لها بالأسلحة والتقنيات الحديثة زيّها زيّ أي حرب.