بواسطة فرح أشرف.
لبنان طول عمرها معروفة بالأناقة والجمال، و علي مر السنين أنجبت لينا مجموعة من أفخم، وأشهر مصممين الأزياء العالميين المبدعين زي زهير مراد، وإيلي صعب اللي قدروا يخلوا مشاهير كتير من الوسط الفني العالمي والعربي يلبسوا تصاميمهم، ويتباهوا بيهم علي الريد كاربت.
ومن التصاميم إللي دايماً بيتفننوا فيها وفي اتقانها فساتين الزفاف، وفساتينهم بتعتبر دايماً من أغلى فساتين المصممين العالميين. وفي المقال ده هنعرض ليكم مجموعة من أشهر 7 مصممين أزياء لبنانيين تألقوا في صناعة فساتين الزفاف.
إيلي صعب
المصمم اللبناني الشهير معروف بإبداعه في تصميم فساتين الزفاف بمجموعة من التفاصيل المبهرة المليانة بالزخرفة، والتطريز، والقصات المتنوعة.
ومن أشهر العرايس إللي لبسوا تصاميم إيلي صعب في حفل زفافهم؛ الكونتيسة البلجيكية Stéphanie de Lannoy سنة 2012، والممثلة الأمريكية Hilary Swank سنة 2018 وغيرهم كتير من الشخصيات العامة والمشاهير. ولو حفل زفافك قرب، ونفسك تلبسي فستان ببصمة إيلي صعب، هو لسة منزل كوليكشن جديد لفساتين الفرح أول السنة دي بيضم تشكيلة كبيرة بتناسب جميع الاذواق.
ِAzzi and Osta
جورج قزي، وأسعد أسطا عندهم قدرة انهم يحولوا أي فستان لقطعة بتشبه فساتين الأميرات، وفساتين زفافهم دايماً بتناسب أصحاب الذوق الطفولي الحالم.
رامي قاضي
تصاميم رامي قاضي بتبان في أصغر التفاصيل زي في الخرز، والأقمشة، والزهور الصغيرة، ومؤخراً قرر قاضي إنه يضيف المتعة لفساتينه بالألوان الزاهية والبقع.
زياد نكد
زياد نكد هو من المصممين اللبنانيين المعروفين بجعل العرائس تشعرن وكأنهن ملكات في يوم زفافهن ، لأنه بيصمم الفساتين زي ازياء الملكات بخامات زي الدانتيل، والتول، والأورغانزا، والحرير.
نيكولا جبران
تصميمات نيكولا جبران مثيرة جداً، والعرائس بتحبه جداً للسبب ده عشان الفستان لوحده بيعمل ضجة، ومشهد درامي. ومن المشاهير إللي اختاروا تصاميمه ليوم زفافهم المطربة المصرية شرين، وشام إبنة الفنانة أصالة.
حسين بظاظا
حسين بظاظة معروف بالفساتين الأكثر إثارة ، والأكثر جمالًا، وإغراء بذيل طويل، وتفاصيل معقدة بتخطف الأنظار. ففساتينه بتكون دايماً درامية وأنيقة في نفس الوقت.
جورج حبيقة
فساتين زفاف جورج حبيقة بتتميز دايماً بكونها رائعة، وحالمة زي زهور الحياة الحقيقية، وهي دايمًا متنوعة بحيث إنها تتلاقى مع مختلف أذواق العروس، وتناسب مختلف أشكال الجسم.
