أيلاينر بألوان مختلفة: موضة جديدة بتكسر روتين اللون الأسود

موضة جديدة في الميكاب بتكسر روتين متعودين عليه، وانتشرت بشكل كبير والناس بتجرب وتغيّر فيها زيّ ما تحب وزيّ ما بيليق عليهم، الأيلاينر الملوّن بألوان مختلفة غير الأسود اللي اتعودنا عليه، من الأحمر للأزرق للبيبي بلو والأخضر، ألوان كتير نقدر نختار منها اللي يناسبنا ويليق علينا، بشكل مختلف يغيّر اللوك كله، تعالوا نشوف ازاي شكله بيفرق وكمان ازاي نعمله بطريقة سهلة. وازاي شوفناه على مشاهير بنحبهم وشجعونا نجربه.

على حسب اللون، ممكن تدي اللوك بتاعك جرأة، أو تضيفي له بهجة وألوان، أو تبرزي ملامحك بشكل مميز، كل الألوان متاحة تختاري منها اللي يناسب لون بشرتك ولون عينك وكمان ألوان الـ outfit نفسها وحابة تطلعي الشكل النهائي ازاي.

ولو صعب نلاقي أيلاينر ملون، ممكن نرسمه بطريقة تانية بتعرفها لنا آية عبد الحميد في الـ Tuesday Tip الأسبوع ده، وكمان هتعلمنا ازاي نرسمه بطريقة سهلة، وبألوان على الموضة.

آخر كلمة: قولوا لنا جربتم لون إيه؟ وماتفوتوش قراءة: في الصيف: نصائح علشان تحافظي على ثبات المكياج أطول فترة ممكنة

تعليقات
Loading...