اسم المخرجة المصرية أيتن أمين جيه في أسماء لجنة تحكيم جائزة العمل الأول، اللي بتقدمها جمعية (Gesellschaft zur Wahrnehmung von Film- und Fernsehrechten)، المكرسة بشكل كامل لحماية حقوق السينما والتلفزيون، وهتتقسم الجايزة المالية اللي بتوصل لـ 50 ألف يورو، بين المنتح مخرج الفيلم اللي هيفوز، بمهرجان برلين السينمائي في الدورة الـ 73، واللي هتكون في الفترة ما بين 16 لـ 26 فبراير الحالي.
وكده تعتبر أيتن أمين هي المصرية والعربية الوحيدة ضمن حكام المهرجان، واترشح للجايزة المسؤولة عن تقييمها 19 فيلم روائي طويل من أقسام المنافسة المختلفة للدورة الجديدة في المهرجان، وهتقرر لجنة التحكيم المكونة من تلات أشخاص الجايزة، ولجنة التحكيم بتتكون من مديرة قسم السينما بمركز بومبيدو الفرنسية جوديث ريفو ديلون، والمخرج السويسري سيريل شوبلين، والمخرجة المصرية أيتن أمين.
وأيتن أمين هي أول مخرجة مصرية اترشحت لجايزة الأوسكار سنة 2021 ولمهرجان (كان) الدولي عن فيلم (سعاد) اللي شاركت في إنتاجه المنتجة التونسية درة بوشوشة، واللي يعتبر التجربة الإخراجية التانية لأمين بعد فيلم (فيلا 69).
درست أمين السينما وكان مشروع تخرجها من (أرت لاب) الجامعة الأمريكية فيلم (راجلها)، وقدمت فيلمين قصيرين عن مديحة كامل وعن تاريخ الرقص الشرقي، وفازت بجايزة ملتقى مهرجان القاهرة السينمائي الدولي لسنة 2010 عن سيناريو فيلم (فيلا 69)، وقدمت فيلم (ربيع 89) اللي بيناقش اضطراب المشاعر أثناء فترة المراهقة، ومن أشهر أفلامها (تحرير 2011: الطيب والشرس والسياسي).