وهو السفر والخروجات إيه غير فنادق بتقدم خدمات حلوة وأكوا بارك؟ لو بتدور على إجازة مليانة متعة ومرح لكل العيلة، يبقى اختار فنادق فيها الأكوا بارك.
من الألعاب المائية العملاقة للألعاب الترفيهية والأنشطة الممتعة، هتلاقي كل اللي نفسك فيه، سواء كنت بتحب الإثارة والتشويق أو عايز لحظات استرخاء وسط المياه.
في المقال ده، هنستعرض مجموعة من فنادق الأكوا بارك في مصر، واللي حصلت على تقييمات إيجابية وبتوفر لك تجربة إقامة استثنائية!
لا تفوت قراءة: هل تخفي أهرامات الجيزة مدينة ضخمة مدفونة على عمق 1200 متر؟
إيسترن الجلالة أكوا بارك – العين السخنة
على بُعد 148 كم من مطار القاهرة الدولي على طريق العين السخنة، يعتبر واحد من أرقى فنادق العين السخنة.
كل الغرف مطلة على البحر وعندهم 5 حمام سباحة، حمام سباحه دافئ، 2 حمام سباحة داخلي مغطى للسيدات و الرجال.
ومتوفر كمان أقوى فريق أنيميشن وحفلات ومسرح استعراضات، والأهم من كل ده هي الأكوا بارك اللي بتضم 64 لعبة مائية أكوا بارك و10 حمامات سباحة بأمواج صناعية.
تقدر تحجز داي يوز علشان تستمتع بكل ده، أو تحجز غرفة في فندق من جناح رئيسي.
أو جناج جونيور مع إطلالة على المسبح أو غرفة دوبليكس مزدوجة.
والأسعار على سبيل المثال بتتراوح من 10 ألف لـ17 ألف لغرفة مزدوجة لمدة ليلتين مع إطلالة على البحر + 3 آلاف جنيه أو أكثر ضرائب ورسوم.
وكل سعر بيختلف حسب إمكانيات الغرف والعدد وتفاصيل تانية ممكن تعرفوها من هنا
أرقام التواصل:
- 01000259404
- 01025006916
- 01003400367
- التليفون الارضي 0237628186
لا تفوت قراءة: استكشف المدينة المنورة: أماكن لا بد من زيارتها أثناء العمرة
فندق تيتانيك ريزورت آند أكوا بارك – الغردقة
منتجع مائي عنده خيارات كتير، موجود على طريق القرية على ساحل البحر الأحمر. وهو أحد أفضل فنادق الأكوا بارك المناسبة للعائلات.
مشهور أوي بالمنزلقات المائية، موجود على مساحة 61,000 متر مربع من حمامات السباحة المتنوعة، بالإضافة إلى مجموعة متنوعة من الأنشطة الرياضية والاجتماعية لجميع الأعمار.
الرياضات المائية في مركز أكوا هتلاقي قارب الموزة، الطيران الشراعي، الدراجات المائية، ركوب الأمواج، ركوب الأمواج الشراعية مع تكلفة إضافية.
وعنده مطاعم من مختلف الثقافات، مطعم ريتز ومطعم ميلانو الإيطالي ومطعم تشنغيز المنغولي وتقدروا تستخدموا مطاعم فندق علاء الدين اللي جنبه على طول.
علشان تواصل معاهم أول للحجز من خلال +20 2 34567890, +20 65 346 47 01 – 06، أو من على الموقع من هنا
بيكالباتروس أكوا بارك – شرم الشيخ
في المكان ده هتلاقي أكبر حديقة مائية (أكوا بارك) في شرم الشيخ، مع 59 منزلق مائي مش هتبقى عارف تختار إيه ولا إيه.
وهتلاقي في المكان ملعب للأطفال وحوض استحمام بالمياه السخنة، وهتتفاجي بـ 22 مسبح خارجي.
ده غير الأنشطة الرياضية المختلفة زي لعب التنس وتنس الطاولة في المنتجع، وبعد ما تخلص كل ده روق على نفسك بالـ”سبا”.
فيه غرف عائلية وأجنحة عائلية وغرف مع إطلالات على الحديقة، وعلى سبيل المثال سعر الجناح العائلي في الأيام العادية بيوصل لـ22 ألف + رسوم وضرائب حوالي 6 ألاف جنيه.
وفي المناسبات زي الأعياد بيوصل سعر الجناح لـ30 ألف جنيه، وغرف الدوبليكس بتوصل لـ10 آلاف جنيه ورسوم حوالي 3 آلاف جنيه.
وفي إمكانية تاخد فيلا بمسبح خاص ليك في حدود 64 ألف جنيه غير شامل الرسوم.
ولتفاصيل أكتر عن الأسعار والغرف من هنا .
أو اعرف تفاصيل عن الأنشطة والمطاعم من خلال موقعهم الرسمي هنا
لا تفوت قراءة: إذا كنت في برج خليفة.. متى تفطر؟ اختلاف توقيت الأذان حسب الارتفاع!
فندق باروتيل أكوا بارك – شرم الشيخ
لو بتدور على مكان يجمع بين الفخامة، الراحة، والمتعة، يبقى باروتيل لاجون ووتر بارك ريزورت هو المكان المناسب ليك!
المنتجع دا فيه كل اللي نفسك فيه، بداية من شاطئ خاص، وحديقة جميلة، لحد بار شيك ومركز للياقة البدنية. والأحلى؟ فيه أكوا بارك ضخمة وحمام سباحة خارجي علشان تعيش أحلى الأوقات!
الأنشطة غير محدودة!
- بحيرات شاطئية
- تاكسي مائي
- أكوا بارك ممتعة للأطفال والكبار فيها أكثر من 25 لعبة.
- نادي للأطفال فيه عروض ترفيهية، سينما صغيرة، ملعب، ديسكو صغير، ومطعم خاص بيهم
- ملعب للأطفال، تنس طاولة، كاريوكي، ورمي السهام
- مركز أعمال لو حابب تخلص شغلك !
المنتجع قريب جدًا من شواطئ مميزة زي شاطئ نوبيان، مش بس كده، بيقدم تنقلات مجانية للشاطئ الخاص علشان تستمتع بأحلى وقت على البحر.
وأسعار الغرف بتتراوح من 7 آلاف لحد 15 آلف وأنت طالع من غير رسوم، وعلشان تعرف تفاصيل الغرف والحجز من هنا
على سبيل المثال في غرفة ديلوكس لشخصين مع إطلالة على المسبح – إمكانية الدخول إلى المنتزه المائي مجاناً في حدود 10 ألاف جنيه بدون رسوم لمدة ليلتين.
جويل سبورت سيتي آند أكوا بارك – القاهرة
المنتجع ده مش بس فندق، دا تجربة فريدة في أحسن موقع بالقاهرة!
الفندق في قلب القاهرة، على بعد 2 كم من كايرو فستيفال سيتي، و6.1 كم من سيتي ستارز، يعني قريب من أهم مراكز التسوق والترفيه.
والأجمل؟ إطلالة مميزة على المدينة والمسبح من كل غرفة!
الأنشطة؟ متعة بلا حدود!
– أكوا بارك ضخمة هتخليك تعيش المغامرة
– حمام سباحة خارجي للاسترخاء تحت الشمس
– مركز رياضي متكامل علشان اللي بيحبوا يحافظوا على فورمتهم
– ملعب أطفال علشان الصغيرين ينبسطوا على الآخر
متوفر دخول الأكوا بارك بتذكرة من غير ما تحجز في الفندق، مع وجبة أكل ويوم كامل تنبسط بيه، في حدود 400 لـ450 جنيه والتذكرة للأطفال أقل من 4 سنين مجانية.
وللحجز كلمهم على الرقم ده 01212767876 ولو عايز تحجز أوضة من هنا
فندق موڤنبيك – القاهرة
لو عايز إقامة فخمة وفي نفس الوقت قريبة من أهم معالم القاهرة، يبقى فندق Mövenpick!
الفندق موجود في قلب استوديوهات مدينة الإنتاج الإعلامي وعلى بعد ربع ساعة بس من الأهرامات، يعني هتحس إنك عايش في فيلم حقيقي.
ولو عايز صيف غير كل سنة، يبقى جهز نفسك لأحلى مغامرة عائلية أكوا بارك خرافية فيها كل الألعاب.
من زحليقة الجسم والسقوط الحر لحد منزلقة الماء، الضفدع، والفراشة يعني المتعة مضمونة للكبار والصغار!
للتواصل معاهم من خلال الموقع الرسمي من هنا وحجز الفندق من هنا
بالنسبة للأسعار الغرف والأجنحة بتوصل لـ20 ألف جنيه حد أقصى بدون رسوم، ومتوفر أجنحة رئاسية فخمة وفيلات خاصة بتوصل لـ80 ألف جنيه من غير الرسوم.
فندق جرافيتي وأكوا بارك – سهل حشيش
جرافيتي هوتيل آند أكوا بارك – سهل حشيش موجود في مواجهة للشاطئ مباشرة، يعني البحر قدامك طول اليوم.
حديقة ومنطقة شاطئ خاص علشان تستمتع بالهدوء والخصوصية، كاريوكي علشان تستعرض موهبتك نادي أطفال وملعب خاص للصغار.
أكوا بارك ممتعة لكل أفراد العيلة، تجربة على 14 منزلقًا مائيًا، بمستويات مختلفة تبدأ من ارتفاع متر واحد وصولًا إلى 6 أمتار!
سواء بتحب الإثارة والسرعة أو الألعاب الهادئة، هتلاقي المنزلق اللي يناسبك تمامًا!
قريب من أهم المعالم!
– 30 كم من نيو مارينا
– 19 كم من متحف أكواريوم الأحياء المائية بالغردقة.
وبشكل عام سعر الليلة الواحدة في الفندق بيدأ من 7 آلاف جنيه، وعلشان تعرف أكتر شوف موقعهم من هنا
فندق ثري كورنرز ريحانة – الجونة
لو نفسك في أجواء نوبية مميزة ورفاهية 4 نجوم في قلب الجونة، يبقى منتجع ثري كورنرز ريحانة الجونة هو الاختيار.
موجود بين البحر الأحمر وجبال الصحراء الشرقية، قريب من مرسى أبو تيج، وموجود في شاطئ خاص علشان تستمتع بالبحر الأحمر بكل خصوصية دخول مجاني للحديقة المائية الجديدة.
تجربة طعام لا تُنسى!
– مطعم Sunny يقدم وجبات الإفطار، الغداء والعشاء يوميًا
-Dolce Vita الإيطالي لعشاق البيتزا والمكرونة
– Chez Pascal البلجيكي للمأكولات الفاخرة
– Nicole’s Greenhouse لعشاق الأكل النباتي العضوي
ولو نفسك في تجربة ترفيهية متكاملة، أكوا بارك خرافية! 10 مسابح متنوعة بمساحة 10,000 متر مربع! منزلقات مائية تناسب كل الأعمار.
بطولات كرة طائرة ورمي السهام، كرة ماء، تمارين رياضية مائية، دروس رقص شرقي ولاتيني.
بالنسبة لأسعار الغرف متوسط بيبدأ من 12 ألف جنيه لحد 25 آلف جنيه بدون رسوم، والسعر ده مقابل ليلتين وعلشان تعرف الأسعار وكل التفاصيل من هنا .
ملحوظة:
أسعار الغرف في كل الفنادق ممكن تختلف حسب اليوم اللي حجزت فيه نسبة الأشغال في الفندق وقتها أو دورت فيه، وحسب المواسم والخدمات المتوفرة.
