في رمضان السنة دي الدراما مش بس في المسلسلات، لا دا كمان شوفنا دراما وخلافات وخناقات بين الممثلين وطقم العمل بأشكال مختلفة، والخلافات دي كانت في تصريحات أو في بوست، ومن الخلافات اللي ظاهرة دلوقتي على الساحة الفنية مسلسل “وكل ما نفترق” من بطولة ريهام حجاج، اللي حصل خلافات كتير من قبل حتى عرضه في رمضان، بين انسحاب المخرج والمؤلف، وكلام عن تقليل أدوار، واتهامات بعدم الالتزام، فإيه الحكاية ورا الأزمة دي؟
انتشرت من فترة أخبار عن انسحاب المخرج كريم العدل من المسلسل، واتقال إن ده حصل بسبب إن ريهام حجاج شافت البرومو الرسمي في المونتاج قبل عرضه، واعترضت عليه وتدخلت علشان تعمل تعديلات عليه، فلما المخرج كريم العدل عرف بده غضب وبعدها ردت عليه ريهام قالت “بفلوسي”، وعلشان كده كمان قرر السيناريست محمد أمين راضي الانسحاب من العمل، ودي كانت بداية إن الناس تسمع عن خلافات المسلسل.
ومع عرض الحلقة الأولى، شوفنا بوست لريهام حجاج، خلى الأزمة تزيد.
وبعدها، أيتن عامر ردت على صفحتها على فيسبوك.
وانتشرت أخبار بتقول إن أيتن عامر بتتأخر على أوردرات التصوير، وبتتهمها بعدم الالتزام، وإنها طلبت زيادة في مساحة دورها على حساب دور الفنان أحمد فهمي، وبعدها أيتن ردت.
ورد أحمد فهمي باستنكار من الأخبار اللي قالت كده.
والأخبار دي كمان قالت إن أيتن عملت مشاكل في مسلسل فرصة تانية السنة اللي فاتت، وإنهم اضطروا يغيروا في الدور ويموتوا الشخصية اللي هي بتقوم بدورها، علشان يخلصوا دورها في المسلسل، لكن مؤلف مسلسل فرصة تانية رد على الكلام ده.
وآخر حاجة، أيتن عامر علقت على كلام لريهام حجاج، وقالت فيه اللي حصل.