الكونسبت ستور من أفضل الأماكن اللي تقدر تتسوق فيها، لإنها بتجمع بين تشكيلة واسعة من المنتجات والتصاميم. الكونسبت ستور هو عبارة عن متجر بيبع مجموعة من التصاميم والإكسسوارات المميزة والمختارة بعناية لعلامات تجارية مختلفة والمشترك فيهم هو أساليبهم المتشابهة. وفي المجمل النوع ده من المتاجر بيبقى مركز على فئة معينة لزباين محددين.
لإن الإمارات هي أفضل مكان تقدر تتسوق منه، وده علشن فيها أفضل المولات المصنفة عالميًا بإنها بتجمع بين كل اللي أنت عايزه. جمعنالك أفضل متاجر ومحلات للكونسبت ستور تقدر تروحهم وأنت هناك.
Amongst Few
واحد من أبرز المتاجر في الإمارات، بيعتمد في اختياراته على مبدأ البساطة والكلاسيكية ومبدأ street style يعني هتلاقي سراويل قصيرة وقمصان وقبعات وتصاميم بالحروف العربية.
O Concept Store
اتعمل سنة 2009 واللي بيميزه هو الديكور المستوحى من حقبة الخمسينات مع القرن الواحد وعشرين. وأسسه الإماراتيOmar Bin Khediya واللي كان عايز يجمع بين الموضة والفن في مكان واحد يناسب كل الأفراد من خلال تصاميم للرجالة والسيدات.
Sauce
بوتيك بيقدم قطع واكسسوارات حديثة وعصرية لأسماء محلية زيّ براند زيان ذا ليبل اللي وصل لنهائيات جائزة الأزياء. وبراند سارة للشنط وبراند لافشار وعلامات تجارية مشتركة زيّ سيلف بورتريت وأليكس مكال.
Comptoir 102
أكل وشرب وهدوم وموضة؟ كل ده متجمع في مكان واحد في كومتوار 102. تقدر تستمتع بوجبة خفيفة وفي نفس الوقت تشتري اللي أنت محتاجه سواء من الإكسسوارات أو المجوهرات وغيره.
That concept store
بيحتوي على أفضل ما يقدمه عالم الأزياء والمجوهرات وقطع الأثاث المنزلي والتجميل والماكياج واللياقة والفنون. وتشكيلات مختارة من أكتر من 150 مصمم دولي وإقليمي. ومن بينهم “جيه دبليو أندرسون” JW Anderson و”سيمون روشا” Simone Rocha و”توم براون” Thom Browne، و”مارني” Marni و”بلعربي” و”ماد باريس” Mad Paris و”عزة فهمي” و”توم ديكسون” Tom Dixon.
Vao concept store
عن: CITY WALK
موجود في منطقة سيتي ووك في دبي، بيمتلك تشكيلة من أشهر الماركات العالمية زيّ Dsquared2 و Fendi و Valentino.
Gigi Concept store
من أحدث المتاجر اللي تم افتتاحها في جاليريا مول، متصممة على إنها تحتوي على مساحات منفصلة لكل مصمم. Gigi متجر تفاعلي. بيجمع تحت مظلة واحدة عدة متاجر للأزياء. هنلاقي مثلًا F & B وهو مخبز منزلي وفي نفس الوقت متجر للطهي، وفي مساحة للمناسبات محاطة بقطع فنية من Ayyam Gallery.
O’de Rose
هتلاقي كل حاجة حوليك بالورد وده طبعًا مستوحي من اسم البوتيك، تجربة تسوق هتشغل كل حواسك. وده من أول لما تدخل وتشرب مشروب الورد وتتفرج على القطع المعروضة بألوانها وروائحها. ومن خلال لمسها وتفحصها وأنت ماشي في المكان وبتسمع الموسيقى، كل خطوة هيعيش الضيف إحساس مختلف وهو بيختار القطع المميزة الموجودة في المكان.
The Edit Dubai
موجود في جميرا، واللي أسسته المحامية واللي اتحولت لرائدة الأعمال بعد كده رومانا ناظم، لو زهقت وأنت ماشي في المكان وبتختار هدومك، تقدر تقعد تشرب قهوة وتاكل حاجة خفيفة أو تقرأ وترجع تكمل تاني.
Human and Beings
تم تأسيسه سنة 2016 ويعتبر المتجر الأول من نوعه في دبي اللي يحقق مفهوم الكونسبت ستور، وهتلاقي فيه منتجات مختلفة من الهدوم والشنط والإكسوارات المتصممة بالأسلوب المعاصر.