نمرة اتنين: مسلسل جديد من شاهد بيعرض قصص مختلفة عن مفهوم الرومانسية في مجتمعنا الحديث

بتستعد منصة شاهد.نت لعرض المسلسل الدرامى الجديد “نمرة اتنين” ضمن أعمال شاهد الأصلية خلال الشهور القليلة اللي جاية، وده بعد ما نزلوا التريلر الخاص بيه، وأعلنت بعض نجماته، زي نيللي كريم، عن انتهاء تصوير مشاهدها في المسلسل اللي هيتكون من 8 حلقات متصلة منفصلة في موسمه الأول.

المسلسل من إنتاج شاهد بالتعاون مع شركة The Producers Films اللي كانت أنتجت قبل كده مسلسل سابع جار، وأفلام الشيخ جاكسون وهيبتا. وهو عبارة عن قصص متنوعة عن علاقة الرجل بالمرأة بمختلف أشكالها، ومفهوم الرومانسية فى المجتمع الحديث. والمسلسل هيعرض القصص دي بطريقة شيقة وجديدة في ست مدن عربية مختلفة زي الرياض، والقاهرة، وبيروت، ودبي.

فكرة المسلسل وتأليفه بيرجعوا للمخرج المصري آدم عبدالغفار، وكل حلقة من حلقاته بيخرجها واحد من أكبر مخرجين المنطقة زي طارق العريان، وتامر محسن، وهاني خليفة، وهادي الباجوري، ومحمد شاكر، وآدم عبدالغفار، والمخرج السعودي أنس باهطف، وأحمد النجار. وشارك في كتابة حلقات المسلسل مريم نعوم، ووائل حمدى، وآدم عبدالغفار، وسما عبد الخالق، وسارة طيبة.

المسلسل كمان بيضم مجموعة كبيرة جداً من النجوم اللي بيشاركوا في بطولته زي نيللي كريم، ومنى زكي، وعمرو يوسف، وماجد الكدواني، وأمينة خليل، وأحمد مالك، وصبا مبارك، وإياد نصار، وشرين رضا. وانتهى صناع المسلسل من تصوير أربع حلقات منه، ولسة في أربع حلقات تانية هيتم استئناف تصويرهم خلال الفترة الجاية.

آخر كلمة: متفوتوش قراءة في عيد ميلادها الواحد والخمسين، شيرين رضا بين زمان ودلوقتي!

تعليقات
Loading...
Tweet
Share
Share
Pin