نصايح بسيطة هتحتاجها في العزل المنزلي

بما إن للأسف فيروس كورونا رجع ينتشر تاني بشكل كبير، وفي ناس كتير عامله عزل منزلي، وفي الموقف ده ساعات مخنا بيقف ومش بنبقى عارفين نتصرف، علشان كده جبنالك طرق ذكية وبسيطة للتعامل لو انت عندك كورونا أو مخالط ومحتاج للعزل المنزلي، إزاي تخلص حاجاتك من غير ما تأذي أي حد، وإزاي تحافظ على نفسك وعلى اللي حواليك من انتشار المرض.

استخدم التطبيقات لطلباتك

بدل ما تضطر تنزل تشتري طلباتك حتى لو هتاخد كل الإجراءات، أو تبعت كل محل يوصلك طلبك، ممكن تطلب كل اللي انت عايزه من مكان واحد زيّ التطبيقات على الموبايل علشان تقلل فرصة التعامل مع ناس كتير، ولما الدليفري يوصل تاخد كل إجراءاتك الاحترازية وانت بتستلم منه، ممكن كمان تستعين بالناس المتطوعين اللي بيوصلوا طلبات لمرضى الكورونا في الحجر.

لو فى اسرة فى الحجر الصحى ومحتاجين طلبات من الشارع هنعمل دة ونوصل لهم احتياجتهم لغاية عندهملو محتاجين اكل هنعمل لهم…

Posted by ‎مروة محمد‎ on Saturday, December 26, 2020

ادفع فواتيرك كلها لشخص واحد

عن: فوري

زيّ إنك تسيب فلوس الفواتير كلها لصاحب البيت مثلًا أو للبواب، علشان ماتضطرش تتعامل مع محصل الغاز ومحصل الكهرباء والمياه وهكذا، أو إنك تنزل تدفعهم عن طريق السداد الإلكتروني وتوسع دايرة تعاملاتك ويزيد الخطر، فممكن تسيب إيجار البيت وفلوس الفواتير دي لحد يدفعهالك.

سيب قراءات الفواتير على الباب

علشان المحصل مايضطرش يدخل، سيب قراءات الغاز والكهرباء والمياه على باب الشقة علشان تقلل فرصة وجود أشخاص في البيت ممكن يتنقلهم العدوى.

سيب نسخة من مفاتيح عربيتك لحد من أهلك

علشان ماتضطرش تخرج لو العربية محتاجة تتنقل من مكانها في الجراج أو الشارع لأي سبب زيّ إنك تكون قافل على عربية تانية بيها، والأحسن تسيب نسخة من مفاتيح العربية مع حد من أهلك أو أصحابك علشان يقوم بالمهمة دي في أي وقت تحتاجه.

وفيه نصايح لحاجات لازم تاخد بالك منها علشان تتعافى بشكل أسرع.

التهوية

لازم كل شوية تجدد تهوية المكان علشان تقلل حدة تواجد الفيروس في المكان، وكمان لازم أول ما تصحى تحط البطاطين في الشمس علشان تقضي على جزيئات الفيروس اللي فيها، ولازم تغير أكياس المخدات كل يوم لتقليل تواجد الفيروس على الحاجات اللي بتلمس البوق والمناخير.

التغذية

عن: سيدي

الأحسن تقلل السكر والكربوهيدرات علشان الفيروس بيتغذى عليها وهتقويه، وتزود من أكل الخضار والفاكهة اللي بتزود المناعة زيّ الموز، والبرتقال، والكيوي، والفلفل الألوان، وخد بالك لازم تشرب مياه كتير وسوائل دافية بالذات الينسون.

آخر كلمة:ماتفوتوش قراءة: 10 عادات صحية غيرتها فينا 2020

تعليقات
Loading...
Tweet
Share
Share
Pin