ميمز “ده هاني”: تريندات 2021 مكتسحة السوشيال ميديا من أول أسبوع

مش عارفين إيه اللي بيفكر الناس فجأة بمشاهد معينة من مسلسلات فات سنين على عرضها، ولكن اللي بيحصل إن في حد بيقرر فجأة إنه يتابع مسلسل قديم، ويلفت نظره مشهد معين فيقرر يشارك الناس على السوشيال ميديا، وفجأة بنلاقي الدنيا اتقلبت كوميكس وميمز على السوشيال ميديا.. وده اللي حصل بالظبط مع مسلسل هذا المساء لما حد عرض مقطع الناس كلها شافته غريب وكوميدي من ناحية سياق الكلام.

فبتظهر في المشهد أروى جودة وهي نازلة مع محمد سليمان من الأوضة، فبيلاقوا إياد نصار اللي المفروض جوزها في المسلسل، اللي طبعًا بيشك فيهم فبيبدأ يزعق ولكن بتبدأ تزعق فيه أروى باستغراب واستنكار إنه شك فيهم، وبتبرر موقفها بإن “ده هاني” فطبيعي إنه يكون في البيت.. ومن هنا، بدأ رواد السوشيال ميديا يعملوا آلاف الميمز اللي بتتمحور حوالين فكرة إن هاني ده أمان ومفيش منه خوف.. فتعالوا نشوف بعض من الكوميكس اللي ملت الـ”news feed” بتاعتنا الفترة اللي فاتت من رواد السوشيال ميديا، ونجوم زيّ محمد هنيدي اللي اشترك في التريند.

انت مجنون ده هانى

Posted by Nani Ashraaf on Sunday, January 3, 2021

هاني نفسه اتخض من البجاحة

Posted by ‎Biskoula – بيسكولا‎ on Monday, January 4, 2021

ماتخافش ياباشا ده هاني

Posted by Mohamed Henedy on Monday, January 4, 2021

اما يفهمك ان اسمه هاني وفي الاخر يطلع احمد =…

Posted by ‎وه‎ on Monday, January 4, 2021

وعلقت أروى جودة على التريند ده وقالت إنها “أحلى حاجة حصلتلها من فترة” وإن هي مش عارفة إيه اللي فكر الناس بالمشهد ده، ولكنها سعيدة إن لسه الناس بتتفرج على مسلسل “هذا المساء” رغم إن عدى 3 سنين على عرضه وقالت إنها بتحبه وفخورة بالعمل ده.

آخر كلمة: ماتفوتوش قراءة: “أول تريند في 2021: ويجز وروبي من ميمز لثبات انفعالي“.

تعليقات
Loading...
Tweet
Share
Share
Pin