موسم الأفراح ٢٠٢٢: من وحي فستان جريس كيلي لتصميمات إيلي صعب

مع موسم الأفراح بنبدأ ندور على حاجات تخلي شكلنا أحلى في المناسبات، سواء كنا معزومين أو احنا أصحاب المناسبة، وعلشان كده جبنالكم تصميمات معينة ممكن تستوحوا منها الأشكال والأذواق المناسبة لينا لأشهر مصممين الأزياء.

ورود وألوان 

فساتين من هيرميون دي باولا – عن بريدال

فساتين الأفراح والورود حاجة محدش متعود عليها، بس السنة دي قدم كذا مصمم تصميمات كلاسيكية مطرزة بالورد الملون المبهج، ورغم كلاسيكيته بيدي في الأخر مظهر عصري وواقعي ومش بيحتاج غير إكسسوارات بسيطة.

فساتين الحفلة

فستان من مارتا ستيورات – عن مارتا ستيوارت

كل حفلات الزفاف هي حفلات بس هنا قصدنا فساتين الحفلات الغير رسمية والعصرية والخفيفة، ودي بتخلي حاجة زيّ الجزمة بارزة وليها أهمية عكس الفساتين الطويلة؛ الفستان القصير ممكن كمان يبقى في حفلات قبل أو بعد حفلة الزفاف الكبيرة أو جلسات التصوير.

لون جديد

انيس دي سانتو – عن بينترست

الأزرق السماوي في أفتح درجاته أتقدم السنة دي في شكل تقليدي وأنيق، وفي نفس الوقت بيدي حيوية للشكل العام مع لمسة عصرية، خصوصًا لو الفستان من تحت فيه تطريزات لأشكال زيّ الورود.

عودة التسعينيات

فستان من تصميم Nadia Manjarrez – عن برايدز

السنين اللي فاتت كان مُلاحظ فساتين الزفاف اللي بأكمام أو حمالات، لكن السنة دي نقدر نقول إن في عودة لموضة انتشرت في التسعينيات وأوائل الألفينيات؛ فساتين الزفاف المكشوفة من فوق مع تصميمات كبيرة وتقيلة من الساتان بطابع رومانسي.

بدلة وفستان 

من تصميم اينس دي سانتو – عن بينتريست

أكتر التصميمات ثورية هي بدلة بيضاء مع فستان، وهي بتتميز إنها جديدة جدًا في فكرتها ومريحة، البدلة كلاسيكية طبعًا والفستان اللي معاها في تصميم واحد طويل ومثير، كمان في البدلة البيضاء الكلاسيكية لوحدها من غير إضافات.

الأكمام المنفوخة 

فستان من تصميم إيلي صعب – عن ghier

الأكمام المنفوخة بتدي نوع من الفخامة الشديدة، خصوصًا لو مُطرزة بورود، ومش غريب لما نقول إن إيلي صعب قدم السنة دي في واحد من أهم تصاميمه فستان فرح طويل وأنيق جدًا من التصميم ده، اللي بيُعتبر واحد من أحلى الحاجات اللي أتقدمت السنة دي.

فستان برقبة 

الأميرة السابقة جريس كيلي – عن graceinfluential

الفستان ده بيتوصف إنه ملكي، وهي فساتين طويلة مطرزة وبيدي إحساس بالتواضع والخلود في الوقت نفسه، وده نفس ستايل الفستان اللي كانت لابساه أميرة موناكو السابقة، جريس كيلي.

الضهر المكشوف

فستان من تصميم Savannah Miller ٠ عن بينترست

الفستان الأكتر جرأة هو الفستان اللي ضهره مكشوف، وده بيدي لوك حلو من أي زاوية بيتشاف منها، ده غير إن تفاصيله من تحت بتاخد أهمية وتركيز أكبر.

الآلهة الأغريقية 

فستان من تصميم جاستن اليكسندر – عن جاستن اليكسندر

الفساتين اللي بكتف واحد فرضت نفسها السنة دي برضه، وهي مستوحاة من الآلهة الأغريقية وبتدي شعور عالي بالثقة في النفس.

أخر كلمة: ماتفوتوش قراءة: بدايات إيلي صعب.. عن الوطن والإلهام ومعنى العمل

تعليقات
Loading...
Tweet
Share
Share
Pin