من مجرد كشك للوحة فنية.. فنانين بيرسموا على أكشاك الكهرباء في شوارع مصر

في كتير مننا موهوبين في إنهم يشوفوا كل حاجة بشكل مختلف وبنظرة فنية، وبلمسة يقدروا يغيروا ويحولوا أي حاجة لتحفة فنية لها روح ومعني، فنانين قدروا يحولوا أكشاك الكهرباء اللي بنشوفها كل يوم في الشوارع، للوحات فنية تخطف نظرك لما تشوفها، وغيّرت من شكل الشوارع وادتله روح وشكل فني بنتمني دايمًا نشوفه.

من أوائل اللي اهتموا بالفن ده “نيمو”، أحد فناني الجرافيتي، واهتم بالرسم على الأكشاك لإنه مش مشهور، وكمان لإنه حب يقدم للناس فن في الشارع، وبعدها اتعملت مبادرات كتير من فنانين وشباب خريجي كليات الفنون علشان يجمّلوا الشوارع في محافظاتهم عن طريق الرسم على أكشاك الكهرباء اللي موجودة في كل مكان.

ومن المشهورين بالفن ده من 2015 وبيهتم بإنه كمان يلف محافظات كتير على مدار سنين علشان ينشر الفن ده على أوسع نطاق، الفنان أحمد حسنين، أحد أبناء محافظة الأقصر وخريج فنون جميلة، بيرسم في كل مدينة اللي يناسب ثقافتها وطابعها الخاص وموروثها الفني.

آخر كلمة: ماتفوتوش قراءة: بالخيوط والمسامير، فنان عراقي يبدع في رسم الصور باستخدام فن الفيلوجرافيا.

تعليقات
Loading...
Tweet
Share
Share
Pin