من المعدن للخشب.. أماكن نشتري منها فوانيس رمضان بأشكال مختلفة

في عادة عند كتير مننا وهي إننا كل سنة لازم نحتفل برمضان بفانوس جديد وبتبقى فرحة مختلفة لما بنشتري حاجات مميزة لرمضان تخلينا نعيش الأجواء للشهر ده، وكل سنة بيبقى فيه أشكال مختلفة للفوانيس والناس بتتفنن في صنعه بطرق تعجب كل الأذواق من الصغير للكبير، بموضات كتير، لإنها حاجة أساسية للاحتفال بالشهر الكريم، فتعالوا نشوف إيه الأشكال المختلفة ونقدر نجيبه منين.

Cow

بأشكال فوانيس تنفع للديكور طول السنة كمان مش لرمضان بس، منها الخشب بشكل بسيط وشيك، تقدروا تشتروهم من فروعهم اللي موجودة في أماكن كتير زيّ الزمالك والمهندسين والمعادي ومدينة نصر.

Collection

عندهم أشكال مختلفة من الديكورات للاحتفال برمضان مش بس الفوانيس، وموجودين في بورسعيد وكمان بيوصلوا أوردرات لكل حتة في مصر.

Tiastores

فانوس أكريليك

🎁 الفانوس الاكريليك .. هدية تليق بك 👌🌙 أول فانوس في مصر بيشتغل بـ( USB + Battery + Remote + Touch )متاح كتابة الاسماء وحفر الصور 🥰🥰🌙 رمضان كريم 🌙

Posted by Tiastores on Sunday, March 28, 2021

الأكريليك دلوقتي خامة موضة جدًا صنع الديكورات بيها بشكل مختلف، علشان كده هنا هتلاقي فوانيس أكريليك بأنوار وكمان تقدر تخليه بأسامي، تقدر تطلبه من صفحتهم على الفيسبوك.

صنعة

بشكل مختلف وأحجار على الفانوس الخشب، صنعة بيعملوا أشكال مختلفة من الفوانيس تقدروا تطلبوها من صفحتهم على انستجرام.

بائعة الورد

هدية بوكس ورد مع الفانوس ممكن تبقى فكرة حلوة لفانوس رمضان كهدية للي بتحبهم، بأشكال كتير للورد والفوانيس ومحتويات البوكس، كل ده على صفحتهم وفي فروعهم اللي موجودة في القاهرة الجديدة وكمان في الأسكندرية.

جاليري الخان

بيوحشونا وبنستناهم من السنه للسنه ف رمضان علشان نشوفهم😇😇 بس في جاليري الخان السنه دى مش هنخليهم يغيبوا عنك تاني 😅😍…

Posted by ‎جاليري الخان‎ on Monday, March 15, 2021

بشخصيات معظمنا بيحبها مش بس الأطفال، وأشكال مميزة وشيك، جاليري الخان بيعملوا فوانيس رمضان مختلفة، وكمان بوكس هدايا بتصميمات مميزة على حسب ذوقك.

آخر كلمة: ماتفوتوش قراءة: أشهر عادات وتقاليد رمضان اللي ليها أصل مصري وبنمارسها كلنا.

تعليقات
Loading...
Tweet
Share
Share
Pin