من المروحة ولا أوميكرون؟ ازاي نفرق بين البرد العادي والمتحورات الجديدة ؟

في الأيام الصعبة اللي بنعيشها ونقصد بالصعبة “البرد أوي”، كل الناس تقريبًا جالها ما لا يقل عن مرتين أو تلات مرات برد. أو احتمال كانوا كورونا أو أي متحور من المتحوارات الجديدة وماكانوش عارفين! وده بسبب إن للأسف المتحورات كلها أعراضها بقت أقرب للبرد العادي وتكاد تكون الفروق طفيفة. خصوصًا إن أوميكرون مش من ضمن أعراضه فقدان حاسة الشم والتذوق. واللي تعتبر علامة مميزة كانت بتفرق بين البرد العادي والفيروس. بس تسهيلًا علينا وعلشان نقرب المسافات ونلحق نفسنا جمعنالكم شوية اختلافات ممكن تكون موجودة بينهم وتساعدك!

  • سواء أوميكرون أو دور البرد، فهنلاقي إن الاتنين من أشهر أعراضهم التعب والصداع. بس الفرق إن مع دور البرد الموضوع بيبقى تدريجي، يعني ممكن النهارده تتعب وبكرا تحس بصداع. لكن المتحور ممكن تظهر عليك كل الأعراض وتتعب في يوم واحد وده حسب كلام عالم الفيروسات وأستاذ علم الأورام الجزيئي، البروفيسور لورانس يونغ، في صحيفة «الصن» البريطانية.
  • وواحد من الأعراض الواضحة الموجودة في أوميكرون، وهي ظهور الطفح الجلدي وبناءًا على تطبيق ZOE COVID Study إنه مادام ظهرت أكتر من مرة يبقى نقدر نعتبره واحد من الأعراض الأساسية له. وبيظهر في شكل تورم ونتوءات حمرا في أصابع اليدين والقدمين.

أما عن الفروق الطفيفية اللي بينهم

موقع hindustantime رتب الأعراض العامة للبرد والفيروس والأنفلونزا وده لإن التلاتة مشتركين في نفس الأعراض.

– الحمى: فيروس كورونا (متكرر)، والأنفلونزا (متكررة)، والبرد (نادر).
– انسداد الأنف: فيروس كورونا (نادر)، والأنفلونزا (أحيانًا)، والبرد (متكرر).
– التهاب الحلق: فيروس كورونا (أحيانًا)، والأنفلونزا (أحيانًا)، والبرد (متكرر).
– ضيق التنفس: فيروس كورونا (أحيانًا)، والأنفلونزا (لم يتم ملاحظته)، والبرد (لم يتم ملاحظته).
– الصداع: فيروس كورونا (في بعض الأحيان)، والأنفلونزا (متكررة)، والبرد (لم يتم ملاحظته).
– آلام الجسم: فيروس كورونا (أحيانًا)، والأنفلونزا (متكررة)، والبرد (متكرر).
– العطس: فيروس كورونا (لم يتم ملاحظته)، والأنفلونزا (لم يتم ملاحظته)، والبرد (متكرر).
– الإرهاق: فيروس كورونا (أحيانًا)، والأنفلونزا (متكررة)، والبرد (أحيانًا).
– الإسهال: فيروس كورونا (نادر)، الأنفلونزا (أحيانًا)، والبرد (لم يتم ملاحظته).

وفي الآخر، لو مش هتعرف تفرق بينهم عندك حل من الاتنين، إنك تتعامل مع دور البرد على إنك مصاب وتاخد احتياطك وتنعزل عن الناس ولو اتحسنت في خلال يومين أو تلاتة يبقى خير وبركة، والحل التاني إنك تروح لدكتور مختص علشان يفرق إذا كان أوميكرون ولا نزلة برد شديدة شويتين.

أخر كلمة: ماتفوتوش قراءة: كوفيد طويل المدى: أعراض بتستمر لشهور بعد التعافي

تعليقات
Loading...
Tweet
Share
Share
Pin