مع قرب الفلانتين.. قصص حب أثرت فينا من المشاهير

كتير مننا بيكبر على قصص حب أفلام الكرتون لما بطلة الفيلم تقع في حب الأمير اللي في الفيلم، وبنشوف نفسنا وإحنا بنكبر ونغير اللي بنتفرج عليه من كرتون لأفلام فيها ناس حقيقية، وبنلاقي برضه إن لازم يكون في عنصر الحب في قصة الأفلام، واللي بيزيدها جمال لما نلاقي فيها كابلز متجوزين في الحقيقة، وفي الحقيقة قصص حبهم بتلهمنا، وبتدينا أمل إن الحب حقيقي لسه موجود، فتعالوا نفتكر مين أبرز الكابلز دول.

فاتن حمامة وعمر الشريف

عن: rotana

ترجع قصة حبهم إلى إنها اعترضت على مشاركة شكري سرحان في البطولة معها بفيلم “صراع في الوادي”، وبعد كده عرض المخرج يوسف شاهين الدور على صديقه وزميل دراسته عمر الشريف، ووافقت فاتن عليه، وخلال تصوير الفيلم اتطلقت فاتن من زوجها عز الدين ذو الفقار، وبعد الفيلم أعلن عمر الشريف إسلامه وتزوج منها واستمر زواجهم لحد سنة 1974.

شويكار وفؤاد المهندس

عن: al-ain

بدأت قصة حبهم في الستينيات، وكان الجمهور شاهد على اللحظات الأولى لحبهم، لما اشتركوا في مسرحية “السكرتير الفني”، وطلب المهندس منها الزواج، وبعد كده كرر عرض الجواز خلال عرض مسرحية “أنا وهو وهي”، بعد لما خرج عن النص، وقالها “تتجوزيني يا بسكوتة؟” فردت على طول “وماله”.

أحمد حلمي ومنى زكي

عن: cairo24

من أشهر الكابلز في تاريخ السينما، دا كفاية إن عيد ميلادهم في نفس اليوم 18 نوفمبر، وبدأت العلاقة بينهم بصداقة عادي بس حلمي حبها وكتم ده جوا نفسه، لغاية قبل ما تسافر منى لتصوير فيلم “أفريكانو” فقرر إنه يصارحها وقالها إنه بيحبها وعايز يتجوزها، وبعد كده اتجوزوا وبقوا من أحلى الكابلز اللي شوفناهم.

إيمي سمير غانم وحسن الرداد

من أجمل وألطف الكابلز اللي تقريبًا كلنا بنحبهم علشان خفة دمهم، وطريقتهم اللطيفة، وبدأوا حبهم لما اشتركوا في فيلم “زنقة ستات”، وكان في كيميا بينهم حلوة أوي، وبعد كده عملوا مع بعض كذا عمل، وفضلوا يقربوا من بعض أكتر لحد ما اتجوزوا في نوفمبر سنة 2016.

علا رشدي وأحمد داوود

في كل مرة بيظهروا فيها مع بعض بيخطفوا الأنظار علشان رومانسيتهم وخفة دمهم، دا حتى كمان بداية قصة حبهم كانت مضحكة، لما اتقابلوا أول مرة في 2006 وقالت علا إن انطباعها الأول عن داوود هو إن ريحته حلوة، وبدأت صداقتهم اللي تطورت إلى حب وبعد كده جواز سنة 2010.

ياسمين عبد العزيز وأحمد العوضي

عن: masrawy

بعد شهور من الكلام إن في قصة حب بينهم، أعلنوا حبهم لبعض لما نشروا صور على الانستجرام، وكتبوا لبعض إنهم بيحبوا بعض.

آخر كلمة: كابلز شوفناهم مرة واحدة مع بعض في السينما، وحابين نشوفهم أكتر!

تعليقات
Loading...
Tweet
Share
Share
Pin