لو لسه ماشوفتش إعلان يونيون إير.. دي أسباب تخليك تشوفه

في وسط زحمة إعلانات رمضان كل سنة، في كام إعلان منهم لازم يعلق معاك، سواء بقى إنك تفضل تغني الأغنية بتاعته طول الوقت وترددها وأنت رايح وأنت جاي، أو إنه يلمس حاجة فيك ويحسسك فعلًا إن الاعلان ده بيكلمك، وده بالظبط اللي حصل السنة دي في إعلان يونيون إير، علشان كده هنقولك الأسباب اللي تخليك تحبه ده لو شوفته، ولو ماشوفتوش لازم تشوفوه.

الحكايات اللي بنعيشها بتبقى عشرة و تكمل سنين …. يونيون اير ٢٥ سنة #مشوار_مكمل #يونيون_اير

Posted by Unionaire on Tuesday, April 13, 2021

صوت شيرين عبد الوهاب

صوت شيرين كفيل يخليك تحب أي حاجة هي بتغني فيها، من زمان وهى ليها بصمة في أغاني معلقة معانا لحد دلوقتي، علشان أغانيها بتخلق حالة خاصة دايمًا. صوت قادر يتلون ويتغير حسب مود الأغنية، وبتوصلك الإحساس اللي بتبقى قصداه بسهولة.

أبطال رسموا الإعلان

دايماً بنحس إن من الذكاء إنك تختار النجوم أو الضيوف اللي هيظهروا معاك في الإعلان، ناس محبوبة وعملت أدوار وقصص معلقة مع الناس زيّ إسعاد يونس أو آسر ياسين أو أحمد داش.

الحدوتة اللي جوا

يونيون إير عاملة بمناسبة مرور 25 سنة على وجودها حاجة شبه الاحتفال بيها، في شكل قصة إنسانية بتشوف حدوتك فيها من أول وأنت طالب لحد ما تكبر ويبقى عندك أحفاد، التتابع الزمني اللي مشي بيه الإعلان خلق إحساس كأنك بتشوف شريط حياتك بيمر قدام عينيك بسرعة وكأن فعلًا 25 سنة مروا من حياتك وأنت قاعد بتتفرج.

كلمات بتعبر عن الحالة

الْعُمْر مَلاَمِحِه بتتغير فطبيعي يُغَيِّر ملامحنا
فِي نَاسٍ تَصْغُر كُلُّ مَا تَكَبَّرَ وَفِي نَاسٌ بتقويها الْمِحْنَة

كلمات الأغنية قدرت تعبر بشكل كبير عن الحالة اللي فيها الإعلان والهدف منه، الإعلان ماكانش غرضه بيعي لأ، ده كان غرضه يخلق حالة من الارتباط بين الجمهور وهو ده اللي نجح فيه.

آخر كلمة: ماتفوتوش قراءة: عيشنا وشوفنا.. شريهان ماتعرفش يعني إيه استسلام مع إعلانها الجديد

تعليقات
Loading...
Tweet
Share
Share
Pin