زي أي دولة عربية بيجمعها لغة واحدة وهي اللغة العربية بس بتختلف اللهجات من كل دولة، الشامي غير اللبناني غير الخليجي غير المصري العامي، ولما تيجي عند المصري هتحتاج تقف حبة حلوين علشان تقدم تحية للهجات كل محافظة ومنطقة.
من السوهاجي للبورسعيدي للإسماعيلاوي للسكندري للقاهري للهجة البدوية المنتشرة في سيناء ومطروح والسلوم وكل المناطق الصحراوية أو النوبية اللي بتعتبر لغة خاصة بس غير مكتوبة، وكله كوم ولهجة محافظات الجنوب كوم دي بالذات ممكن يتعمل لها قاموس لوحده مكون من ألف صفحة، ومعاه معجم للألفاظ الشعبية للصعيد لكل لكلمة معناها والدليل عليها إما من مثل شعبى أو أغنية أو حدوتة.
@hadootetbalady في كل محافظة في مصر ليها لهجه و لكنة مشهوره بيها تعالو نتعرف على اختلافهم في سلسلة اختلاف اللهجات 🇪🇬❤️🔥 #حدوتة_بلدي #حلوة_مش_ملتوتة #مصر #egypt🇪🇬 #explore #fyp #fybシ #viral #accentchallenge #تحدي_اللهجات #صعيدي #قاهره
عندك مثلًا اللهجة البحراوية بينقطوا حرف “ق” زي الهمزة، وفي الصعيد في بعض القرى اللي لسه محافظة على اللهجة بتنطق الـ”ج” “د” فبيقولوا “دبنه” بدل من “جبنة” و”دينا” بدلا من “جينا.
وكلمات تانية زي “سليقة” ومعناها “شربة” و”الكحروتة” ومعناها “البيض” و”الغليض” ومعناها “التخين أو الكبير فى الجسم” وفي اسكندرية عندك ” يووه، الإمة، مستيكة” و “شين، غادي، ميته” في اللهجة الشرقاوي و”تراسينه، اسرج، كراويته” للهجة البورسعي ولو روحت أسوان هتلاقي الصابونة بيتقال عليها كلمة “البروة” و”البريم” معناها حبل الغسيل، و”دوك” معناها دلوقتي.
الاختلاف ده يمكن مش ملموس في أي دولة تانية زي ما هو ملموس في مصر، اختلاف تلمسه مع اختلاف الثقافات والعادات والتقاليد المرتبطة بكل محافظة أو منطقة، ومع ذلك هتلاقي برضه برغم الاختلاف اللي بتقفشه مع أول كلمتين بتسمعهم من صعيدي أو نوبي أن فيه شيء تاني بيجمعهم وهي ربطتتهم بروح البلد.
آخر كلمة: ماتفوتوش قراءة: تنادي لحلول مناخية وتدفع إسرائيل لارتكاب كارثة بيئية .. فتلك قضية وتلك قضية